LAPF

LAPF
LAPF

Jumapili, 7 Aprili 2013

KUMBE NYOTA NDOGO NI MTOTO WA MWANAMUZIKI WA JAMHURI JAZZ BAND

-->
Mzee Abdallah Hatibu (katikati)
Nyota Ndogo  ni jina maarufu sana Afrika Mashariki, ni mwanadada mwanamuziki wnenye sauti tamu sana, kati ya vibao vyake vyote nikiri kuwa wimbo wake wa Watu na Viatu ambao ulishinda tuzo katika Tanzania Music Awards 2007 ni wimbo ninaoupenda sana, pia huyu binti ambaye amekwisha toa album kadhaa zikiwemo Chereko, Nimetoka Mbali na Mpenzi alizaliwa 1981 na akapewa jina la Mwanaisha Abdallah.

Mwanaisha alizaliwa Mombasa  hakumaliza shule na katika kazi alizopitia ni msaidizi wa nyumbani. Katika kuonyesha tena kuwa wanamuziki wengine, muziki umo kwenye damu, baba wa binti huyu alikuwa mwanamuziki. Katika maelezo ya rasmi ya Nyota Ndogo baba yake alikuwa mwanamuziki wa bendi moja wapo Mombasa na aliitwa Abdallaha Hatibu.  Blog ya www.wanamuzikiwatanzania.blogspot.com ambayo ni maarufu kwa kutafiti historia ya wanamuziki wa zamani wa hapa nchini iliweka historia fupi ya kundi maarufu la Jamhuri Jazz Band, pamoja na picha ya mmoja wa wanamuziki wa bendi hiyo aliyeitwa Abdallah Hatibu. Mwanamuziki mahiri Profesa Abbu Omari aliyeko Japan ambaye pamoja na bendi nyingi alizopigia pia alipiga Les Wanyika, na Simba wa Nyika alikuwa na maelezo ya ziada kuhusu Mzee Abdallah Hatibu. Haya ndiyo aliyoyasema……Mkuu Kitime katika picha za hawa wakongwe wa Jamhuri jazz hapo kati kati kuna mwanamuziki alikuwa anaitwa Abdallah Hatibu, sisi tulikuwa tunamjua kama mzee Abdallah,alikwisha fariki miaka kama mitatu iliyopita,Huyu ni baba wa waanamuziki wawili mashuhuri wa Mombasa mmoja msichana Nyota ndogo na mvulana Juma Tutu, Mzee Abdallah alizikwa kwao Muheza baada ya kuishi Mombasa na Nairobi kwa miaka mingi,hata mimi niliwahi kuishi nae jengo moja Nairobi 1982, Mzee huyu alikuwa mkali kwa gitaa nadhani hata kushinda Michael Vicent, nadhani huenda ikawa yeye ndiye aliyemfundisha Michael kupiga gita, niliwahi kumuuliza kuhusu huyu Michael na akasema huyo alikuwa mtoto mdogo tu ki miziki kwake. Kwa kweli huyu mzee Abdallah alikuwa mkali sana kwa gitaa Mombasa nzima na Nairobi alijulikana. …..Abbu Omar Tokyo,Japan

Juma Tutu
Nyota Ndogo
Pia kadri ya website ya Juma Tutu ,                                              (JUMA TUTU)       familia yao walizaliwa sita sehemu ya Majengo huko Mombasa, baba yake alikuwa mpiga gitaa la solo katika bendi ya Simba wa Nyika katika Club ya Sabasaba pale Mombasa, mama yao Christine Mungala pia alikuwa muimbaji katika kwaya ya kanisani. Dada zake wawili Nyota Ndogo na Leila pia ni wanamuziki mahiri.


Hakuna maoni: