Kijiwe cha KITIME

Alikotokea Marehemu Jerry Nashon aka Dudumizi

2012-03-01T09:27:00.001-08:00

Jerry Nashon

Jerry Nashon alikulia katika kijiji kiitwacho Kigera kilichopo katika Halmashauri ya Manispaa ya Musoma jirani na shule ya Sekondari Mara. Jerry alianza kujifunza gitaa akiwa Musoma Catholic Mission club ambayo leo ni Mwembeni secondary School. Alikuwa ana mazoea ya kwenda kwenye hiyo social club ya kanisa iliyofanya kazi nzuri sana ya kuwaunganisha vijana wenye vipaji mbalimbali. Alijiunga katika bendi ya Special Baruti Band iliyokuwa na Rashid Ruyembe mwaka 1980. Jerry alianza kuendelezwa na Charles Koya ambaye wakati huo alikuwa mpiga rhythm wa bendi hiyo. Alikuwa mwanafunzi mzuri na baada ya muda mfupi alikuwa mpigaji mahiri na akaweza kurekodi na bendi yake hiyo katika studio za Tanzania Film Company, RTD na hatimaye katika studio mbalimbali nchini Kenya. Jerry na Special Baruti Band walifanya maonyesho mengi katika jiji la Nairobi , katika kumbi na club mbalimbali kama vile Bombax Hotel, Kaka Night Club, Rwadhia Night Club na nje ya Jiji katika mikoa takribani yote ya Kenya kasoro Mombasa na Kisumu. Katika kumwona kiongozi wa bendi hiyo, ambaye ndiye alikuwa mtunzi na mwimbaji akipata umaarufu mkubwa nae akaona heri ahame kutoka upigaji wa rhythm na kuwa mwimbaji mtunzi. Taratibu alianza kujifunza na juhudi zake zikaonekana na Jeshi la Magereza Musoma nalo likamchukua akajiunge na Magereza Jazz Band. Baada ya miaka miwili na nusu hivi akiwa na Special Baruti Band Jerry alihamia Dar es Salaam. Wakati huo mji wa Musoma ulikuwa na bendi nyingine, kulikuweko na Musoma Jazz Band waliopiga kwa mtindo wao wa Segese, Mara Jazz Band maarufu kwa mtindo wao wa Sensera, pia ilikuwepo bendi iliyomilikiwa na Seminary ya Kikatoliki ya Makoko, hii iliitwa Juja Jazz band , haikuwa na mtizamo wa kibiashara hivyo haikuwa na umaarufu kama zilizotajwa hapo juu. Jerry alidumu kwa muda Magereza Jazz band kasha akahamia Bima Orchestra nahatimae Vijana Jazz Band mpaka mauti yake.

Mchango wa Radio katika utamaduni wa Tanzania

2012-02-22T22:28:00.000-08:00

TBC Radio Pugu Road Dar es Salaam

Utangazaji kabla ya Uhuru

Mwaka 1951 afisa mmoja wa BBC alipendekeza kuanzishwa kwa redio katika koloni la Uingereza la Tanganyika, ili kupata ujuzi wa kutengeneza vipindi kwa ajili ya wenyeji wa nchi hii. Serikali ya Uingereza ikatoa kiasi cha dola 30000 na Dar es Salaam Broadcasting Station ikazaliwa. Redio ilianza na kutangaza kipindi kimoja cha Kiswahili kwa wiki, hii ikapanda kwa kipindi hicho kurudiwa mara mbili kwa wiki. Kutokana na uhafifu wa mitambo, ilikuwa vigumu kusikia matangazo hayo hata nje ya Dar es salaam tu. Taratibu vipindi vikaongezwa na mitambo ikaboreshwa na hatimae jina likabadilishwa na radio hiyo kuitwa Tanganyika Broadcasting Service. Kufikia 1954 pamoja na mapungufu mengi ya vifaa, radio ilikuwa na wataalamu wote wenyeji, lakini ilikuja kuwa na mafanikio ambayo yalikuwa kama kwa nchi nyingine nyingi zilizokuwa ni koloni za Uingereza.

Mwaka 1961 bila kumwaga damu Tanganyika ikapata Uhuru chini ya uongozi wa Mwalimu J ulius Nyerere na chama chake cha TANU. Serikali mpya ikaona redio ni kiungo muhimu cha kuunganisha wananchi na mipango ya serikali yao, lakini chombo hicho kilikuwa bado ni chombo binafsi hivyo mara nyingine kutokuwa na msimamo sawa na serikali. Mwaka 1964, Tanganyika ikaungana na Zanzibar, pamoja na Muungano huu kwa sababu ambazo ngumu kuelewa serikali ya Tanzania bara iliamua kutokuingiza teknolojia ya TV wakati Zanzibar iliamua kufanya hivyo na 1970 Zanzibar ikawa kati ya nchi za kwanza Afrika kuwa na TV ya rangi.

Kueleweka na kuenea kwa siasa ya ujamaa kulitegemea sana radio, mwaka 1965 serikali ya Tanzania ilitiaifisha TBC

na pia kuibadili jina na ikaitwa RTD Radio Tanzania Dar es Salaam, na shirika hili likawekwa chini ya Wizara ya Habari na redio ikawa chombo cha kuelimisha sera mipango na taratibu mbalimbali za serikali.

Jambo moja kubwa na baya ambalo wakoloni hasa wa Kiingereza walilifanya ni kujitahidi sana kufuta utamaduni wa nchi walizotawala na kuingiza utamaduni wao, na wananchi wengi waliopata elimu wakati huo na hata wale wanaoppata elimu sasa, elimu iliyo katika mfumo wa elimu ya wakati huo huona kujivua utamaduni wao na kuonekana mzungu zaidi ndio kilele cha mafanikio katika elimu. Hilo ndilo lililomfanya Mwalimu Nyerere atamke wakati wa kuunda Wizara ya Utamaduni na Vijana kuwa’….katika dhambi kubwa ambazo ukoloni ulifanya ni kutufanya tuamini kuwa hatujawahi kuwa na utamaduni wetu….’ Radio ikawa chombo kimoja kilichoweza kuunganisha watu wa nchi hii ambao walitokana na makabila zaidi ya 120 kuweza kutumia lugha ya Kiswahili na hatimaye kuifanya kuwa lugha ya Taifa. Nchi nyingine nyingi za Kiafrika ziliona suluhisho la kupata lugha ya Taifa ilikuwa ni kuchukua lugha ya wakoloni waliowatawala. Na mpaka leo tuna nchi nyingi za Kiafrika ambazo lugha zao za Taifa ni Kireno, Kifaransa au Kiingereza. Tanzania iliweza kuwa tofauti kwa hili, Mwalimu Nyerere aliona kurithi lugha ya wakoloni ilikuwa ni dalili nyingine ya mafanikio ya wakoloni ya kufuta utamaduni wa wananchi. Lakini tukumbuke kuwa wakati wa kupata Uhuru nchi nzima kulikuwa na watu wachache sana wenye radio, inasekemekana wakati tunapata uhuru kulikuweko na redio zisizozidi 100,000 nchi nzima, na nyingi zilikuwa Dar es salaam kwa vile hata TBC yenyewe haikuweza kusiskika mbali. Hata kufikia mwishoni mwa miaka ya 60 ni chini ya asilimia 30 ya wananchi walikuwa na uwezo wa kusikiliza RTD kila siku, ndipo serikali ikasambaza redio mashuleni na hata vijiji vingi vilipewa redio na kukawepo mahala pa kusikilizia redio, japo redio ilijikita zaidi katika vipindi vya ‘kuhamasisha maendeleo’ na hotuba mbalimbali za viongozi wakitoa maagizo mbalimbali.

Kiwanda cha kutengeza redio za bei rahisi kikaanzishwa Dar es Salaam. Tukapata redio maarufu kama National Panasonic 177, iliyopewa jina ‘redio ya mkulima’.

Ili redio isikilizwe lazima iwe na vipindi vya burudani,muziki ni sehemu muhimu ya burudani katika vyombo vya utangazaji, katika kile kilichoonekana kinaweza kukuza muziki wa Tanzania, ilifikia Bunge la Tanzania wakati huo likafikia mapaka kujadili kupiga marufuku muziki kutoka nje. Hili halikutimia japo redio ilielekezwa kuwa katika vipindi vyake vya muziki , ule wa kutoka nje usizidi asilimia 30 ya muziki wote utakaopigwa na kituo hicho. Ili kuweza kujaza asilimia 70 hiyo RTD ilifanya kazi kubwa ya kurekodi muziki wa aina mbalimbali kutoka hapa nchini, na hili limeifanya mpaka leo RTD sasa TBC, kuwa wameweza kuwa na maktaba kubwa sana ya muziki wa Tanzania wenye historia ya nchi yetu na watu wake na siasa zake na ndoto na mafanikio yake.

Vicent Chopeta, mwanamuziki wa zamani wa The Strokers afariki dunia

2012-01-16T07:11:00.000-08:00

Waliokaa toka kulia ni Marehemu Vicent Chotepa, wa pili ni Harry Chotepa

Vincent Chotepa,Mwanamuziki wa zamani wa The Strokers, bendi iliyokuwa na makao yake Upanga amefariki dunia katika hospital ya Muhimbili baada ya kufanyiwa operesheni ya sikio. Kwa maelezo ya jamaa zake wa karibu Vicent alikuwa mfamasia kwa miaka mingi pale Muhimbili na miaka ya karibuni alikuwa Ocean Road Hospital. Msiba uko Sinza mapambano, mazishi yanategemewa kuwa Jumatano tarehe 18 January 2012 baada ya kuwasili baba yake na dada zake waliokuwa mbali na Dar es Salaam.

Mungu amlaze pema peponi Amen

Mwaka mmoja baada ya kifo cha Ngosha , mpiga bass mwingine afariki Sikinde

2012-01-13T23:47:00.000-08:00

Ni mwezi Januari na mwezi kama huu mwaka 2011 ambapo mpiga bass Ngosha alifariki, bendi ya Sikinde imepoteza mpiga bass mwaningine Shaaban Mabuyu. Kifo hiki kinafuatia kifo cha mpiga bass mwingine mahiri Andy Swebe wiki chache zilizopita. MUNGU AWALAZE PEMA PEPONI

Mzee Kipara afariki dunia

2012-01-11T00:20:00.000-08:00

Marehemu Mzee Said Fundi-Mzee Kipara

Mzee Said Fundi, maarufu kama Mzee Kipara msanii ambaye amedumu katika sanaa kwa miaka mingi sana amefariki dunia asubuhi saa mbili leo Jumatano tarehe 11 Januari, 2012. Wengine tulimfahamu Mzee Kipara kwanza akiwa mwigizaji katika magazeti ya picha yaliyokuwa yakiitwa FILM TANZANIA, baadae kukutana nae 'live' akiwa TT katika treni ya reli ya kati. Mzee Kipara pia alikuwa maarufu sana na sauti yake nzito ya kibabe katika michezo ya kuigiza ya redio ambayo ndiyo ilikuwa burudani ya maelfu ya Watanzania kwa miaka mingi. Mzee Kipara baadae alianza kuonekana na kujulikana sura zaidi pale alipoanza kuonekana katika michezo iliyoanza kurushwa katika TV,na baadae katika filamu kadhaa za Kitanzania. Mungu amlaze pema peponi, tunamshukuru Mungu kwa kutupatia hazina hii kwa miaka yote, Mungu alitoa na Mungu ametwaa.

Wanamuziki wapata pigo jingine mpiga solo Sakul Minori afariki akiwa safarini Zanzibar

2012-01-02T20:54:00.000-08:00

Sakul enzi za uhai wake, nyuma yake ni Kejeli Mfaume

Katika hali ya kutia huzuni kabla hata wiki moja haijapita toka mpiga bass mahiri Andy Swebe ameaga dunia ghafla, mpiga solo wa Cassava Band Sakul ameaga dunia ghafla wakati wakiwa kwenye ziara fupi huko Zanzibar. Akielezea mkasa mzima kiongozi wa bendi hiyo Kejeli Mfaume alieleza kuwa ghafla jana Sakur alisema anajisikia vibaya, alianza kuhangaika akilalamika tumbo linamuuma, na kwa kuwa walikuwa katika hoteli ya kitalii iliyombali na hospitali walijaribu kufanya jitihada za kumfikisha hospitali lakini alifia njiani. Mipango inafanyika ya kurudisha mwili Dar es salaam kwa maziko. Sakur Minori mzaliwa wa Sumbawanga ambaye alikuwa na ulemavu wa macho alikuwa mpiga solo mahiri, mwimbaji pia mzuri sana ambaye pamoja na bendi hii ya Cassava ameshawahi kupigia bendi ya Seven Blind Beats ambayo ilikuwa bendi yenye wanamuziki wasioona watupu, ameshapigia Tabora Jazz, na Jambos ya Mwanza, na bendi kadhaa nyingine. Mungu amlaze pema peponi.

Andy Brown Swebe hatunae tena

2011-12-31T04:55:00.000-08:00

Andy Brown Swebe alianza kupenda gitaa kutokana na kumsikia baba yake mzee Mwalimu Brown Samson Swebe ambae alikuwa mpiga gitaa mzuri sana, hivyo alikuwa akipiga nyumbani kwao akisindikizana na mama yake Asha Sapi Mkwawa ambae nae alikuwa anaweza kupiga kinanda cha mdomo (mouth organ), na pia kumsikia binamu yake Prince Robert aliyekuwa akipiga na akina Twahiri Ally, Roy Bashekinako Rweyemamu, Balthazar Kunambi, Ally Hega ambao kwa pamoja walikuwa baadhi ya wanamuziki wa bendi ya BAT iliyopiga nyimbo zenye kumbukumbu kama Kumbora. Andy alianza kwa kutengeneza magitaa yake kwa kutumia makopo ya mafuta na mishipi ya kuvulia samaki kama ambavyo wapiga magitaa wengi walifanya sehemu nyingi katika Afrika. Wakati huo akizipenda bendi kama STC Jazz, Afro 70, baadae Safari Trippers. Wakati bado mdogo alikuwa akienda kuwachungulia wakati wakipiga buggy lililokuwa likiporomoshwa kila Jumapili kwenye ukumbi wa shule wa Tambaza Secondary. Wakati huo akiishi Upanga ambapo anakumbuka kulikuwa na bendi kadhaa zikiwemo Strokers na De Souza, Barkeys na Barlocks.

Ili kujifunza magitaa ililazimika kutembea mpaka Chang’ombe kwa David Musa wa Safari Trippers, kwenda kufanya mazoezi, huko kulikuwa na vyombo vyote vya muziki na David alikuwa si mchoyo wa kufundisha vijana. Andy na vijana wengine wa wa Upanga Magharibi walianzisha kikundi wakikiita BT Commandos(Boom Town Commandos ) ambapo kulikuweko na wanamuziki wenzie kama Martin Ubwe, Emmanuel, Linus Nzuguno, Madaraka Masumbigana, walilazimika kuwa wanaenda Chang'ombe kupata nafasi ya kupiga magitaa ya umeme. 1978, rafiki yake Juma Kunga akampatia gitaa na ndipo alipopata nafasi ya kuanza kufundishwa vizuri na Prince Roberts, bendi yake ya kwanza ni Oshekas ya Brian Shaka ambapo ilikuwa inapiga mara moja kwa mwezi Yatch Club. Alipiga bendi hii mpaka alipomaliza kidato cha nne, ndipo alipopata kazi na kuhamia Morogoro, huko akawa anafanya kazi kiwanda cha ngozi.Siku moja Orchestra Makassy ilifanya ziara Morogoro, na hapo rafiki yake aliyekuwa anapiga Keyboards katika bendi hiyo John Bosco akamuona na akakaribishwa jukwaani na akapiga nyimbo chache jambo ambalo lilifanya Mzee Makassy amwite katika bendi yake, 25 May 1983 alijiunga na Orchestra Makassy na onyesho la kwanza lilikuwa Mkirikiti Bar Msasani. Akiwa Orchestra Makassy alishiriki kurekodi nyimbo kama Olenge, Bembeya, Nono, Minachoka ya Masiya Radi, bendi wakati huo ilikuwa na wakongwe kama Mzee Aimala Mbutu(Simaro), Fan Fan Mosesengo, Kassim Mganga na Dr Remmy. Safari ya Kenya ndiyo iliyoenda kusambaratisha bendi, safari ilipangwa iwe ya wiki mbili ikaishia kuwa tour ya mwaka, na bedni kuzunguka karibu Kenya yote katika mazingira magumu, hali hiyo iliyokuwa ngumu kiasi cha wanamuziki wengine kuamua kurudi Tanzania kila mtu kivyake. Wanamuziki Keppy Kiombile(mpiga Bass Kilimanjaro Band), Selemani Nyanga(yuko Uholanzi) na Andy walirudi zao Dar. Ambapo aliporudi akaja kujiunga na Afriso Ngoma ya Lovy Longomba, wakati huo wakiwa na Kassim Mponda, Raymond Thomas, Seif Lengwe, Sololo wa Imani, John Maida, Ramadhani Kinguti, Kalamazoo na wengine. Wakati huo MK Group, wana Ngulupa Tupatupa, wakawa wanahitaji mpiga bass na Mafumu Bilali ndie aliyemfuata kwenye bendi yake na kumtaarifu kuwa Mkurugenzi wa MK Group angependa kumwona. Baada ya kuongea na Baraka Msilwa alipewa fedha taslimu Shilingi 15,000 kama fedha ya kuhama na mshahara wa mwezi shilingi 5000, kwa wakati huo fedha hiyo ilitosha kumfanya apate chumba chake na kununua furniture. MK Group aliwakuta wanamuziki mahiri kama Kasongo Mpinda, Mbombo wa Mbomboka, Siddy Morris, Joseph Mulenga(King Spoiler), Ally Makunguru, Abdallah Tuba, Tromblo , Green Simtowe, Paul Vitangi, Rahma Shally, Asia Darwesh na kadhalika

Koka koka Sex Battalion- Vijana Jazz

2011-12-20T13:05:00.000-08:00

Siku ya Alhamisi tarehe 2 Januari mwaka 1975 kundi zima la Vijana Jazz Band waliingia katika studio za Hi-Fi, jengo la Pioneer House katika jiji la Nairobi, waliingia studio na kurekodi nyimbo 6. Lakini katika mpango huu ambao ni wazi haukuwa na baraka za muajiri wao (Tanu Youth League), kundi hili lilijiita Koka koka Sex Battalion. Nyimbo hizo karibuni zimetolewa katika CD na kampuni Uingereza ya Sterns. Mchezo kama huo ulikuja rudiwa tena mwaka 1981, wakati baadhi ya wanamuziki kutoka Mlimani Park walipokwenda Nairobi na kurekodi nyimbo kadhaa zikiwemo, Nawashukuru wazazi wangu, Nalala kwa tabu, Bubu ataka kusema, wakitumia jina la Black Warriors. Baadhi ya nyimbo za Koka koka Sex battalion ni Niliruka ukuta, Magdalena na Kokakoka. Ni wazi kuwa Vijana jazz walitumia jina la Kokakoka Sex Battalion kwa kuwaiga Orchestra Sosoliso, ambao waliwahi kutoa kibao kilichoitwa Sex Madjesi, na wao wenyewe kuanza kutambulika hivyo. Wakati huu wana Koka koka walikuwa wanaiga vitu vingi toka kwa Orchestra Sosoliso, hata gitaa la solo katika wimbo wa Niliruka ukuta liliigwa kutoka nyimbo moja ya Sex Madjesi. Ukitaka kupata vionjo vya CD hiyo bofya hapa

Kumbukumbu ya Brig Gen Moses Nnauye

2011-12-05T21:36:00.000-08:00

Leo ni siku ya kumbukumbu ya kifo cha Mzee Nnauye (5/7/1937-6/12/2001). Mzee Nnauye alikuwa mwanamuziki mzuri sana na alitumia sana muziki katika harakati za kupigania uhuru. Alianzisha na kuendeleza vikundi vingi vya kwaya, taarab na bendi na wasanii wengi sana waligunduliwa nae na kulelewa kama wanawe kutokana na kutaka waendelee katika muziki.

Mzee Nnauye wakati akiwa Mkuu wa Mkoa Singida

Kila nikisikia wimbo wa Guantanamela huwa namkumbuka Mzee huyu ambaye kwa mara ya kwanza nilikuwa karibu nae mwaka 1987, wakati niko katika bendi ya Tancut Almasi, wakati huo tukiwa tumepiga kambi ya miezi kadhaa Dodoma Hotel. Alitukaribisha wanamuziki kadhaa nyumbani kwake na kutuonyesha santuri(LP) ya wimbo original version ya Guantanamela. Kisha akamuita mwanae atupigie wimbo huo katika kinanda kuanzia hapo kila mara nilikuwa karibu na mzee huyu. Mzee Nnauye ndiye aliyegundua kipaji cha Mheshimiwa Capt John Komba na kumtoa katika kazi yake ya ualimu na kumuingiza jeshini kuendeleza kipaji chake cha uimbaji, matokeo yake wote tunayajua. Wakati akiwa Singida aliweza kuwavuta wanamuziki kadhaa kutoka Black Star na Lucky Star za Tanga, na wanamuziki kadhaa akiwemo Wazir Ally wa Kilimanjaro Band walihamia huko na kuwa wanamuziki wa bendi King'ita Ngoma iliyokuweko Singida wakati huo. Wote tunajua umahiri wa Waziri Ally.

Katika mazungumzo yetu ya mara ya mwisho alikuwa anatamani sana kulileta lile kundi la Africando, mapigo ya Kilatino ya kundi hili yalimfurahisha sana na alikuwa anaona itakuwa bora kwa Watanzania kupata vionjo tofauti na vilivyozoeleka ambavyo vilikuwa ni kutoka kwa wanamuziki wa Soukus tu kutoka Jamhuri ya Congo.

Mungu amlaze pema Mzee Moses Nnauye

Amen

Bavon Marie Marie

2011-11-08T12:32:00.000-08:00

Ganda la Album iliyokuwa na wimbo Maseke ya Meme. Tshimanga Assossa aliwa wa pili toka kulia

Wimbo Maseke ya Meme ulipigwa katika miaka ya 70 na bendi maarufu ya Negro Success. Kundi lililokuwa likiongozwa na mdogo wake Franco Luambo Luanzo Makiadi, nae si mwingine ila ni mpiga solo mkali Bavon Siongo au maarufu kama Bavon Marie Marie aliyezaliwa May 27, 1944 ambaye pia alitunga wimbo huu marufu. Wimbo huu Maseke ya Meme au kwa Kiswahili ‘Pembe za kondoo’ ulianza kusambazwa March 1970. Mashahiri ya wimbo huu yalileta utata sana baada ya kifo cha Bavon Marie Marie kilichotokea muda si mrefu baada ya wimbo huu kutoka hewani. Sehemu ya mashahiri ya wimbo huu yalisema hivi;

Bavon Marie Marie

Nalilia maisha yangu

Sijachoka kuishi

Lakini wanataka nitangulie

Naacha kuongea

Nasubiri kifo.

Bahati mbaya sana Agosti 5, 1970, siku ya Jumatano, Bavon Marie Marie akakumbwa na ajali ya gari iliyosababisha kifo chake katika mtaa wa Avenue Kasavubu, mjini Kinshasa. Wimbo ule ukaonekana kama ni utabiri wa kifo chake mwenyewe. Kwa vile Franco hakufurahia mdogo wake kuingia katika muziki,watu wakatafsiri kuwa alikuwa amemloga mdogo wake ambae alifariki akiwa na umri wa miaka 34 tu. Kuna hadithi nyingine inayosema kifo cha Bavon kilitokea muda mfupi baada ya ugomvi na kaka yake kwa kisa kuwa Franco alikuwa ametembea na Lucy aliyekuwa bibi wa Bavon. Inasemekana Bavon aliondoka spidi na gari akiwa na hasira na muda mchache baadae akaaingia chini ya lori.

Kuna nyimbo nyingi duniani ambazo watu hudhani ni kama utabiri wa wanamuziki kabla ya kufa. Wimbo Ee Mola wangu wa Salum Abdallah wa Cuban Marimba ni mfano mojawapo. Kuna wanamuziki wengi wanaogopa kuimba au kutunga nyimbo kuhusu kifo kwa imani kuwa ukitunga wimbo wa namna hiyo unaita kifo.

Tabu Ley Rochereau mwanamuziki wa Afrika

2011-10-31T09:13:00.000-07:00

Tabu Ley

Mbilia Bel

Tabu Ley Rochereau, alizaliwa mwaka 1940 huko Bandundu katika Jamhuri ya Demokrasi ya Kongo. Alianza maisha akiitwa Pascal Tabu. Tabu Ley alianza maisha yake ya muziki mapema sana na 1954 akiwa na umri wa miaka 14 tu aliandika wimbo wake wa kwanza Bessama Muchacha, ambao akaurekodi na kundi maarufu la African Jazz lililokuwa chini ya Joseph ‘Grande Kalle’ Kasebele, (asichanganywe na Pepe Kalle). Aliendelea na shule na hatimae alipomaliza High School 1959, ndipo alipojiunga rasmi na African Jazz. Alikuwa mmoj awapo wa walioimba ule wimbo utunzi wa Grande Kalle, na uliotikisa anga la Afrika miaka ya 60, Independence Cha Cha. Uliogeuka na kuwa wimbo rasmi wa kusherehekea uhuru wa kongo.

African Jazz ya Joseph Grande Kalle Kabasele

Baada ya kiasi kama miaka minne alijiengua bendi hii na akiwa na mpiga gitaa mahiri Nicholaus Kassanda aka Dr Nico, wakaanzisha African Fiesta, ambapo alikuweko hadi 1965, wakati Kongo imewaka moto kimuziki na ushindani kuwa mkali sana, akaachana na Dr Nico na kuanzisha African Fiesta National au mara nyingine ikiitwa Africa Fiesta Flash, na kutoa kile kibao maarufu Afrika Mokili Mobimba, ambacho kilivuka mauzo ya nakala milioni moja miaka ya sabini, na kuiingiza bendi hii kuwa kati ya bendi zilizopata mafanikio ya juu katika Afrika kwa wakati huo. Wanamuziki kama Papa Wemba na Sam Mangwana ni kati ya wakongwe waliowahi kupitia katika kundi hili tishio.

Kufikia mwaka wa 70, Tabu Ley alianzisha Orchestre Afrisa International wakati huo Afrisa na TPOK Jazz ndizo zilikuwa bendi maarufu zaidi Afrika. Afrisa waliteremsha vibao kama Sorozo, Kaful Mayay, Aon Aon, na Mose Konzo na Tabu Ley

Faya Tess

aliweza hata kupata tuzo toka serikali za nchi kama Chad iliyompa heshima ya Officer of The National Order, wakati Senegal ilimpa heshima ya Knight of Senegal, na akawa sasa anaitwa Siegneur Rochereau. Katikati ya miaka ya 80 Tabu Ley aligundua kipaji cha mwanamama aliyekuja kutikisa anga za Afrika naye si mwingine ila Mbilia Bel, baadae Tabu alimuoa Mbilia a wakapata mtoto mmoja. Nyimbo kama Nadina, Nakei Nairobi zinaonyesha kipaji gani alikuwa nacho binti huyu aliyekuwa mzuri kwa sura, aliyejua pia kucheza na kutawala jukwaa vizuri. 1988 Tabu akamgundua muimbaji wa kike mwingine Faya Tess. Hapo Mbilia akaacha bendi na kuendelea na maisha yake ya muziki peke yake. Kipindi hiki, mtindo wa Soukus uliokuwa na mapigo yenye mwendokasi zaidi ya lile rumba la Afrisa na TPOK Jazz ulianza kuzishika nyoyo za vijana, bendi hizi kubwa zikaanza kufifia.

Mwanzoni mwa miaka ya 90 Tabu Ley alihamia Marekani akaishi Kusini mwa California, akabadili muziki wake katika kujaribu kujikita zaidi katika soko la ‘Kimataifa’, akatunga nyimbo kama Muzina, Exil Ley, Babeti Soukous. 1996 Tabu Ley alishiriki katika album ya kundi la Africando na kushiriki katika wimbo Paquita wimbo aliyokuwa ameurekodi miaka ya 60 akiwa na African Fiesta. Tabu alipata cheo cha Uwaziri katika utawala wa Laurent Kabila baada ya kuondolewa kwa Mobutu. Hata baada ya kifo cha Laurent Kabila November 2005 Tabu alipewa cheo cha

Vice-Governor in charge of political, administrative, and socio-cultural questions, kwenye jiji la Kinshasa.

Mwaka 2006 Tabu Ley akashirikiana na rafiki yake wa muda mrefu Maika munah na kutoa album yake ya mwisho iliyoitwa Tempelo, katika album hiyo binti yake Melodie aliimba nyimbo kadhaa katika album hiyo.

Video ya Jerry Nashon na Vijana Jazz, Vijana Day-hebu angalia uchezaji wa wapenzi wa enzi hizo

2011-10-22T07:05:00.000-07:00

Mwishoni mwa miaka ya 80 na mwanzoni mwa 90, ungefika kuanzia saa nane mchana, siku ya Jumapili, katika Ukumbi wa Vijana Hostel (ukumbi unaopakana na Mango Garden), ungekuta vijana wameanza kukusanyika wakisubiri saa tisa mchana ambapo Vijana Jazz walikuwa wakianza muziki. Siku hiyo ilifahamika kama Vijana Day. Ungemkuta Mzee Jacob tayari mkali kabisa mlangoni akifukuza watoto wanaojaribu kupanda ukuta kuingia kwenye muziki. Kwa kweli waingiaji wa muziki walikuwa wengi kiasi cha kuweko milango miwili ya kuingilia. Na kama siku hiyo ni sikukuu basi ungekuta foleni imeshapangwa ya watoto, vijana na watu wazima wakingojea kukata tiketi za kuingia. Katika maktaba yangu nimepata bahati ya kukuta video hii ya onyesho live la Pambamoto. Ni video ambayo inaniletea masikitiko mengi kwani wenzangu wengi waliomo katika video hii wamekwisha tangulia mbele ya Haki. Pengine kwa wale waliokuwa wapenzi wa Vijana wakati huo watajiona katika kundi la wapenzi wa Pambamoto wanao onekana mwishoni mwa video hii. Hebu angalia staili za kucheza za enzi hizo

Freddy Supreme--Ndala Kasheba

2011-10-21T23:20:00.000-07:00

Leo tunatimiza miaka saba toka kifo cha mwanamuziki mahiri Ndala Kasheba. Freddy Supreme au maarufu kwa wengi kama Ndala Kasheba alianza kujifunza gitaa akiwa na umri mdogo wa miaka 12, alipofika umri wa miaka 17 alikuwa tayari mwanamuziki mahiri wa Orchestre Fauvette, akiwa na wanamuziki wenzie kama Baziano Bweti na King Kiki. Mwaka 1968, kundi zima la watu tisa lilipanda mashua za walanguzi wa chumvi na kuvuka Ziwa Tanganyika toka Kongo hadi Tanzania kwa kupitia Kigoma. Kundi hili, Fauvette lilitikisa anga za Tanzania kwa vibao ambavyo wengi huvikumbuka mpaka leo, kama vile Fransisca, Vivi, Nono na Kalemie, Zula, Jacqueline. Kasheba aliweza kuimarisha jina lake zaidi alipolifanya maarufu gitaa la nyuzi kumi na mbili, mwenyewe akiliita nyuzi dazani, hasa alipoanza kulipiga kwa mtindo wa Dukuduku akiwa Safari Sound Orchestra. Pamoja na bendi hizo Kasheba pia alipitia Safari Nkoy, Zaita Muzika, Kasheba group, pia alipita Maquis, na kwa wiki chache alipitia Tancut Almasi.

Kasheba alifariki 22 Oktoba 2004 akiwa na miaka 58.

Mungu amlaze pema peponi Amen

Masafa Marefu na Tancut Almasi Orchestra

2011-10-21T22:00:00.000-07:00

Kasaloo Kyanga ndie mtunzi wa kibao hiki maarufu, kilirekodiwa RTD Dar es Salaam katika awamu ya pili ya recording za Tancut Almasi. Recording hii ilitaka kuvunja bendi kwa kuwa wakati bendi ikiwa studio, Said Mabela alipita studio na Katibu wa bendi akamuuliza kwa siri anausikiaje muziki? Sijui kwa sababu gani lakini Mabela alijibu, "Hapa hakuna kitu nasikia solo tupu". Katibu wa bendi ambaye pia wakati huo alikuwa Katibu wa tawi la JUWATA la Tancut, akawajia juu wanamuziki wa Tancut kuwa wanapiga solo tupu na hivyo waache kurekodi bendi irudi Iringa kwa mazoezi zaidi. Ulikuwa ugomvi mkubwa, wakati huo Mabela amekwisha ondoka hata kumuuliza alikuwa ana maana gani haikuwezekana. Fundi wa RTD James Muhilu ndie aliyemtuliza Katibu huyo kuwa nae haelewi maana ya maneno ya Mabela na recording ikaendelea na dunia ikapata bahati ya kusikia kibao hiki.

Ninakwenda safari, safari yenyewe safari ya kikazi,

Ninakwenda safari, safari yenyewe ya masafa marefu,

Najua hapa utabaki, watasema mengi,

Pia wabaya wetu mama watafurahi.

Chorus

Safari sio kifo mama iyeeo

subiri ntarudi mama iyeoo

Nikirudi mama nipokee kwa mikono miwili

Nikirudi mama nitakuletea zawadi

Zawadi nono mama watototo

Iyee mama iyee

Sogea Karibu wimbo wa Belesa Kakere akiwa JUWATA

2011-10-21T13:04:00.000-07:00

Moja ya nyimbo za JUWATA ambazo zinaendelea kupendwa ni huu wimbo ambao ni utunzi wa Salehe Kakere 'Belesa' unaoitwa Sogea Karibu. Wimbo huu ulikuwa tofauti sana nyimbo za JUWATA wakati ule kwani ulitawaliwa na kinanda kilichopigwa na Waziri Ally 'Kisinger' inatamkwa Kisinja. Pia katika wimbo huu, hakuna vyombo vya kupuliza saxaphone na trumpets ambazo zilitawala kila nyimbo ya bendi hii wakati huo.
Mshahiri yake haya hapa;

Belesa Kakere

Sogea karibu..nikueleze

Usije shangaa...imekuwaje

Upate fahamu ....na kuelewa

Kuwa ndoa yetu sasa....imevunjika

Nilikupeleka kwa wakwe zako ukaonane na ndugu zanguu

Hata mama yangu alifurahi sana

Na ndugu zangu walikupenda sanaa

Mapatano yetu dada ni kuoana

Kama tukitunza heshima yetu

Chorus

Sasa nasikia umefanya visa vingi

Hata mama yangu humthamini

Ikiwa mambo yenyewe ni hivyo,

Mbona mazito

Naona dada mimi ntashindwa,

Siwezi kukuoa tena.

Nilikueleza toka zamani kitu kimoja

Utunze heshima kwa wakwe zakoukapuuza,

Maji yaliyokwisha mwagika hayazoleki

Iliyobakia sasa majuto nenda kwenu kwa salama

Count down ya nyimbo 50 toka Clouds Radio

2011-10-19T10:49:00.000-07:00

Komandoo Hamza Kalala

Clouds Radio imeanza taratibu ya kupiga nyimbo moja kwa kila siku kwa siku 50 hadi kufikia siku ya kilele cha kumbukumbu ya miaka 50 Uhuru wa nchi yetu. Leo nimeusikia wimbo wa UDA Jazz Band wana Bayankata. Bendi hii iliyokuwa mali ya shirika la Usafiri Dar es Salaam (UDA), usafiri ambao ulikuwa maalumu kwa ajili ya kusafirisha watu katika ya jiji la Dar. Bendi ilipata umaarufu sana katika wakati wake ikiwa na wanamuziki mahiri waliopitia humo kama Freddy Benjamin ambae baadae alikuja kukamilisha maisha yake Vijana Jazz, Maneno Uvuruge mpigaji maarufu wa gitaa ambae kwa wakati huu yuko katika safari USA wakiwa na King Kiki, na pia huko alipitia Komando Hamza Kalala, ambae pamoja na yeye kuwa mwanamuziki mahiri, pia ndie baba mzazi wa wanamuziki maarufu , Kalala Junior na Totoo Kalala. Hamza Kalala ndiye mtunzi na mpiga solo katika wimbo wa leo katika count down hiyo ya kuelekea siku ya Uhuru. Wimbo huo si mwingine bali ni ule- Tulizaliwa wote. Sehemu ya mashahiri ya wimbo huo ni haya;

Tulizaliwa wote kijiji kimoja,

Lakini ulishindwa kunioa kwa sababu,

Ulisema sina tabia nzuri eeh

Sasa nimeolewa kaka,

Unaanza kuleta chokochoko,

Kujifanya wewe unazo pesa nyingi univurugie.

Wenyewe tumetulia.

Kama ni tabu ni zetu,

Kama unachoringia ni pesa kaka,

Pesa si msingi.

Chorus

Ninachojali ni utu, pia na heshima kwa mume wangu.

Vumbi Dekula Kahanga mpiga solo wa Maquis Original

2011-10-19T03:19:00.000-07:00

Vumbi Dekula Kahanga

Orch. Maquis Original 1987 Wapiwapi Chang'ombe Bar,kutoka kulia ni:
Mbuya Makonga "Adios",Dekula Kahanga"Vumbi",Mpoyo Kalenga na William Maselenge.
Alie chuchumaa ni Juma Choka

Kwa wapenzi wa muziki wa enzi wa Tanzania jina la mpiga gitaa Dekula Kahanga Vumbi si geni, lakini baba yake hakupenda kabisa apige gitaa, lakini bahati nzuri alikulia kwa bibi yake katika mji wa Uvira, mkoa wa Kivu, Jamhuri ya Kongo ambako alikuwa na uhuru zaidi na akaanza kwa kutengeneza magitaa yake, ambalo lilikuwa likivunjwa kila baba yake alipokuwa akija kumtembelea bibi yake.Jirani na alipokuwa akiishi kulikuweko na bar inaitwa Sikiya sosi ambapo palikuweko na bendi ikiitwa Gramick Jazz, bendi iliyopitiwa na wanamuziki wengi waliokuja Tanzania akiwemo Dr Remmy. Alikuwa akisikiliza muziki ukipigwa katika hiyo bar na yeye akawa anafuatisha kwenye gitaa la kutengeza mwenyewe la nyuzi tatu, hatimae bibi yake akamnunulia gitaa dogo la nyuzi nne ambalo alikuwa naaenda nalo mpaka shule, ambapo mwalimu wake siku nyingine alikuwa akimwita awatumbuize wanafunzi wenzie. Hatimae akakutana na jamaa aliyekuwa akipiga katika bendi iliyokuwa ikimilikiwa na mapadri, akawa anamnunulia sigara huyu jamaa nae akaanza kumfundisha chords mbalimbali za kupiga gitaa. Aliendelea vizuri hatimae akajiunga na bendi hiyo ya mapadri iliyoitwa Kyalalo Band akiwa mpiga rhythm. Wanamuziki wa Kyalalo hawakuruhusiwa kujiunga na bendi zilizo kuwa zinapiga muziki kwenye bar, wala bendi yenyewe kwenda kupiga kwenye bar, kulikuweko na ukumbi mkubwa wa kanisa na hapo ndipo walipofanya mazoezi na maonyesho, lakini baadae Vumbi akajiunga na bendi Bavy National tena kama mpiga rhythm,

Kutoka kulia mstari wa nyuma ni Dekula (Rythm),Packot(Solo na Kiongozi),Maboko(Besi),
Merry-Djo (Drums).
Kutoka kulia mstari wa mbele,Waimbaji ni Djo-Mali,Issa Nundu na Simplice Mofeza.
Mwaka wa 1983 katika "Sikia Sosi Bar" Mjini Uvira Mkoani Kivu Jamhuri ya Kidemokrasia ya Kongo.

na hapo akakutana na mwimbaji Issa Nundu ambae alikuwa anafanya hospitali na jioni kujiunga na bendi, hatimae Kyanga Songa ambaye kazi yake ilikuwa Bwana Shamba nae alijiunga nao.

Katika kipindi hicho wakazi wa Kongo ya Mashariki, ambako kunazungumzwa kiswahili, walikuwa wakisikiliza na kuzijua bendi nyingi kutoka Afrika ya Mashariki, bendi kama Tabora Jazz, Mangelepa, Simba wa Nyika, Mlimani Park zilisikilizwa sana, na nyimbo kama Kassim ilikuwa nyimbo maarufu wakati huo na hivyo ikawa ndoto ya Vumbi kuwa lazima siku moja waende huko unakotoka muziki mtamu huo ili nae aweze kushiriki. Katika kipindi hicho Kyanga Songa na Issa Nundu waliondoka kwenye bendi yao ya Bavi National na kuelekea Tanzania. Bendi ikatetereka sana, lakini nae wakati huo akawa anahamu sana ya kuja Afrika Mashariki. Bahati nzuri mtu mmoja Alida Shanga akamjia akiwa ametumwa na Marehemu Mzee John Luanda aliyekuwa anamiliki Chamwino Jazz kuja kutafuta wanamuziki toka Kongo, nae akawachukua na wakatua Tandale jijini Dar es Salaam, na siku waliofika tu na wakaanza mazoezi siku hiyo hiyo. Wakiwa vijana bado yeye na wenzie watatu walikuja wakiwa na staili ya kuimba na steji show ambayo wakati huo iliitwa sarakasi, na pia wao ndo kilikuwa kikundi cha kwanza kuanza kurap katikati ya nyimbo. Waimbaji wakiwa ni Sisko Lunanga, Fanfan Bwami, na mwenzao mmoja Baposta Kilosho ambae hatimae alirudi Kongo. Recording ya kwanza ilimuacha Julius Nyaisanga akishangaa vituko vya vijana hawa. Katika bendi ya Chamwino wakati huo wapiga magitaa walikuwa Vumbi Dekula, Kazembe wa Kazembe (huyu alikuwa Msukuma ambaye aliishi kwa muda Kongo na alikuwa mpiga gitaa hodari sana), na Mzee Albert, na hatimae wakamchukua Muhidin ambae alikuwa mpiga bezi wa Dr Remmy. Siku moja walienda kuomba kupiga na Maquis Original(lift), wakati huo wakipiga nyimbo za kopi, nyimbo kama Mario, Maze na kadhalika, hivyo wakazipiga hizo na watu wakafurahi sana na kuwatuza fedha nyingi, wakachanganyikiwa maana bendi yao ya Chamwino ilikuwa haina mshahara na si mara moja walitembea kwa miguu toka Buguruni hadi Tandale kwa kukosa mapato. Japo wakati huo walikuwa wadogo kwa umri na hata umbo walifika mahala marehemu Kasheba alikuwa anawaita ‘Vimario’, upigaji wao ulikuwa mzuri sana. Nguza aliwashauri wawe wanakuja kupiga kabla Maquis hawajaanza kupiga. Hivyo wakaamua kuacha Chamwino, na wakawa wanasindikizana na Maquis, hili lilimuudhi aliyewaleta na siku moja wakiwa Silent Inn, maafisa wa Uhamiaji walikuja kuwachukua wakalazwa Central Police na kisha kupelekwa gereza la Keko. Wakiwa huko walimwandikia Mzee Luanda kuwa wanarudi Chamwino, basi wakaachiwa na kurudi kusuka upya Chamwino Jazz. Lakini hawakukaa muda mrefu Mzee Makassy akaja kuwaomba waingie katika bendi yake, wenzake waimbaji wakaenda yeye akabaki Chamwino, lakini muda si mrefu Nguza akamwambia aandike barua ajiunge na Maquis. Nae akafanya hivyo na ndio kujiunga rasmi na Maquis kama mpiga gitaa la second solo. Aliwakuta wanamuziki kama Maneno Uvuruge, Omari Makuka, Keppy kiombile, Ilunga Lubaba, William Maselenge na wengine wengi. Aliendelea kupiga second solo hadi siku moja bendi ilikuwa inapiga maeneo ya Ukonga, kwa kawaida Mzee Lubaba alikuwa anapiga kuanzia saa tatu mpaka saa sita, na kisha Nguza Viking akiingia na kuendelea .

Wa pili toka kulia na shati jeusi Vumbi, wapili toka kushoto na suruali nyeusi Issa Nundu

Siku hiyo Nguza hakuonekana Vumbi akaweza kupiga nyimbo zote za Nguza, na kesho yake akaambiwa afike ofisini akasainishwa rasmi mkataba wa kuwa mwanamuziki wa Maquis. Baada ya muda mfupi Nguza akaacha bendi.

Na baada ya hapo walirekodi ule wimbo maarufu wa Makumbele, solo ya wimbo huu ilikuwa awali ikipigwa na Mzee Lubaba, lakini afya ya mzee Lubaba ilianza kuzorota nae akawa anawafundisha nyimbo zake wanamuziki wengine, wimbo wa Makumbele alifundishwa Makuka na akawa anaupiga katika mahonyesho mbalimbali, lakini wakati wa kutaka kurekodi kamati ya uongozi ya Maquis iliamua Vumbi aufanyie mazoezi na aurekodi. Kurekodi kwa album ya Makumbele ilitokana na safari ndefu ya bendi ambayo ilichukua miezi mitatu katika mikoa ya Ziwa, hivyo bendi iliporudi Dar ilikuta sifa ya bendi imepungua, hivyo walirekodi album ya Makumbele iliyokuwa na nyimbo kama Tipwatipwa, Ngalula na Makumbele, sifa ya bendi ikarudi juu tena kwa mara nyingine. Na ni wakati huo ambapo bendi ilihamia katika ukumbi wa Lang’ata Kinondoni

KUMBUKUMBU YA FRANCO LWANZO MAKIADI

2011-10-13T03:52:00.000-07:00

François Luambo Luanzo Makiadi alizaliwa 6 July 1938, katika kijiji cha Soni Bata magharibi mwa jimbo la Bas Zaire huko Jamhuri ya Kidemokrasia ya Kongo. Wakati bado mchanga wazazi wake walihamia jiji la Leopodville ambalo sasa linaitwa Kinshasa. Baba yake aliitwa Joseph Emongo alikuwa mfanyakazi wa shirika la reli wakati huo mama yake alikuwa akiuza maandazi sokoni. Alipofikia umri wa miaka saba alitengeza gitaa lake akawa analipiga kwenye genge la mama yake ili kuita wateja.. Mwanamuziki maarufu Paul Ebengo Dewayon ndie aliyegundua kipaji cha mtoto huyu na kuanza kumfundisha rasmi namna ya kupiga gitaa. Mwaka 1950 akiwa na umri mdogo wa miaka 12 alichukuliwa rasmi kama mwanamuziki wa bendi ya Watam iliyokuwa inaongozwa na Dewayon. Kipaji chake kiliwashangaza wengi hasa kwa vile alikuwa akionekana umbo lake kubwa kama gitaa analolipiga lakini akiwa analipiga kwa umakini mkubwa. Akiwa na miaka 15 alirekodi nyimbo yake ya kwanza Bolingo na ngai na Beatrice (Mapenzi yangu kwa Beatrice). Wimbo huu aliutunga alipojiunga na bendi iliyokuwa inamilikiwa na Studio za Loningisa. Kiongozi wa bendi hiyo Henri Bowane ndie aliyeanza kufupisha jina la mwanamuziki huyu na kumuita Franco, jina alilokuja kujulikana nalo maisha yake yote. Mwaka 1955 alianzisha bendi akishirikiana na Jean Serge Essous bendi ilizinduliwa katika ukumbi wa OK Bar, hatimae bendi ilichukua jina la OK Jazz kwa heshima ya bar ambapo ilizinduliwa.Katika muda mfupi ikiwa na mwimbaji Vicky Longomba(Baba yake Lovy Longomba) walianza kuwa bendi pinzani ya bendi kongwe ya African Jazz iliyokuwa inaongozwa na Grand Kalle. Mwaka 1958 Essous na Franco kuwa kiongozi na mtunzi mkuu wa kikundi alichokuja kukijenga kwa kuanzia watu 6 hadi kufikia watu 30 kwenye mwaka 1980. Franco mwenyewe alikuwa anasema OK Jazz iliweza kutoa album 150 katika miaka 30 ya bendi hiyo.Mwaka 1958 Franco alifungwa kwa mara ya kwanza kwa kosa la uendeshaji mbaya wa gari siku ya kutoka kwake jela ilikuwa kama shujaa katoka vitani. 1960 Vicky Longomba aliacha bendi. Lakini wakati huo Kongo ilikuwa kwenye vuguvugu za kutafuta uhuru na nchi ilikuwa si shwari Franco akahamia Ubelgiji. Baada ya Mobutu Sese Seko kushika nchi na kukawa na amani katika nchi iliyoitwa sasa Zaire franco alirudi 1966. Akashiriki katika Tamasha la Sanaa Za Afrika lililofanyika Kinshasa 1966 na Franco akawa kipenzi cha serikali ya Mobutu.

Franco hakuwa tu mwanamuziki mzuri bali pia aliendesha vizuri sana biashara zake za kurekodi na kampuni alizozianzisha wakati huo. Alikuwa na lebo kama (Surboum OK Jazz, Epanza Makita, Boma Bango and Éditions Populaires). Katika miaka ya 70 muziki wa Kongo ulishika kasi sana Afrika na Franco akiongoza jahazi kwa nyimbo kama Infidelité Mado, na akaendeleza kupiga mitindo mbalimbali kama Bolelo na muziki uliotokana na ngoma za asili toka Kongo zikichanganywa na mapigo kutoka Cuba na kuanza upigaji wa gitaa uliokuja itwa Sebene.

Mwaka 1970 Franco alimpoteza mdogo wake ambaye nae alikuwa mpiga gitaa mashuhuri Bavon Marie-Marie Siongo ambaye alifariki katika ajali ya gari baada ya kuwa akiendesha gari kwa hasira baada ya ugomvi na kaka yake wakigombea msichana ambaye nae alipata kilema kutokana na ajali hiyo. Lilikuwa pigo kubwa kwa Franco kwa miezi kadhaa aliaacha hata kupiga muziki. Baada ya hapo OK Jazz ilibadili jina na sasa kuitwa TP OK Jazz na mwaka 1973 kutoa kibao kingine kilichotikisa Afrika ,AZDA. Wimbo huu kwanza ulirekodiwa kama tangazo kwa ajili ya kampuni ya Volkswagen VW. Mahusiano yake na Mobutu yalikuwa na mawimbi mara wakipatana mara wakikosana kutokana na Franco kuwa anatumia nyimbo zake kukosoa serikali ya Mobutu. 1970 Franco alikuwa ni Rais wa wanamuziki wa Kongo na pia kuajiliwa na kampuni ya kugawa mirabaha ya wanamuziki. Aliendelea kutajirika kwa kuweza hata kunua ardhi nchini Ufaransa, Ubergiji na Kongo, na kuwa na nightclub 4 kubwa kuliko zote Kinshasa kwa wakati huo na kufanya club ya

Kuwa ndio makao makuu yake. Hapo ilijengwa studio kubwa, office na apartment za kuishi kadhaa. Mwaka 1978 alitiwa mbaroni tena baada ya kugundulika kuwa alikuwa anasambaza nyimbo zenye matusi ambazo hakuzipitisha katika kamati ya kuchunguza mashahiri kama ilivyokuwa kawaida wakati ule. Kufikia kipindi hiki TPOK Jazz ilikuwa kubwa kiasi iliweza kumeguka kuwa mbili moja ikifanya kazi Afrika wakati nyingine ikiwa inafanya maonyesho Ulaya. !983 Franco alifanya maonyesho kadhaa Marekani lakini hayakufanikiwa haijajulikana mpaka leo sababu za kushindikana huko. Katikati ya miaka ya 70 Franco alibadili dini na kuwa Muislam na kupewa jina la Abubakkar Siddiki, japo hakuonekana kufuata taratibu zozote za Kiislamu na akaendelea kuitwa Franco. 1980, Franco alitajwa kama ndie Grand Master wa muziki wa Kongo na serikali yake, ghafla na nyimbo zake nyingi zikaanza kuwa zinasifia utawala ulikuweko madarakani. 1985 Franco alitoa wimbo ambao uliuza kuliko nyimbo zake zote

, Mario, ambao ulikuwa ni hadithi ya mwanaume kijana ambae alikuwa anategemea akina mama watu wazima wamlee. !987 zilianza habari kuwa Franco anaumwa sana, na kwa mwaka ule alitoa wimbo mmoja Attention Na SIDA (Jihadhari na UKIMWI), wimbo huu ukaanzisha maneno kuwa pengine Franco kasha upata ugonjwa huu. Franco akawa taratibu anakosekana kwenye shughuli za bendi nayo ikaanza kumeguka kutokana na kutokuwa na uongozi thabiti. Franco tena akarudi kwenye dini yake ya awali ya Roman Catholic. Tarehe 12 Oktoba 1989, Franco alifariki katika hospitali moja Ubelgiji. Mwili wake ukarudishwa Kongo, sanduku likiwa limefunikwa bendera ya Taifa lake na kupitishwa katika mitaa ya Kinshasa na kuagwa na maelfu ya wapenzi wake. Serikali ikatangaza siku 4 za maombolezo ambapo redio ya serikali ilipiga nyimbo za Franco tu. Franco alizikwa tarehe17 Oktoba 1989. Alifariki akiwa na miaka 51. Mumgu amlaze pema peponi

Patrick Balisidya akiwa jukwaani akiimba utabiri wake?

2011-10-12T00:19:00.000-07:00

Patrick anaimba wimbo ambao aliupiga kwanza akiwa na Afro70. Wimbo huu una ukweli mkubwa, unakufanya hata ufikirie kuhusu Patrick mwenyewe, kweli wema hawana maisha. Hapa Balisdya akiwa jukwaani na Shikamoo jazz. Mzee Zahoro anaonekana hapa akipiga mandolin chombo ambacho amepiga sana hasa akiwa Kiko Kids. Tunaambiwa wakati bendi zote Tabora zilianza kutumia magitaa ya umeme yeye akiwa na kiko Kids yake aliendelea kutumia Mandoline na ndio husikika katika nyimbo zake za zamani za Kiko.

Women Jazz Band, bendi ya akina mama 1966

2011-10-09T16:21:00.000-07:00

Kijakazi Mbegu kwenye solo gitaa

Mwaka 1965 kundi jipya la muziki la aina yake lilianzishwa Tanzania. Lilikuwa ni bendi ya akina mama watupu. Akina mama hawa, wengine wakiwa wafanya kazi wa Government Press walijichagua na kuanza kuhudhuria mafunzo ya muziki chini ya yule mwanamuziki mahiri Mzee Mayagilo aliyekuwa kiongozi wa shughuli za muziki katika Jeshi la Polisi. Akina mama hawa wakawa chini ya kitengo cha Polisi Jazz Band, wakaanza kufanya mazoezi ya nguvu. Bendi hiyo ya akina mama ilikuwa chini ya TANU Youth League. Wakati wakianza shughuli hii walikuwa hawana ujuzi wowote wa muziki. Kutokana na jitihada waliyofanya taratibu wakaanza kufanya maonyesho yao hasa kwenye hafla za serikali na Chama tawala wakati huo.

Tarehe 31 Mei 1966 Women Jazz band iliingia katika studio za RTD na kurekodi nyimbo sita.

1. Tumsifu Mheshimiwa

2. Leo Tunafuraha

3.Mwalimu Kasema

4.Women Jazz

5.Sifa nyingi tuwasifu viongozi

6.TANU yajenge nchi.

Washiriki katika bendi hiyo walikuwa;

1.Mary Kilima- Mwimbaji

2.Juanita Mwegoha-Mwimbaji

3.Siwema Salum- Mwimbaji

4.Rukia Hassan- Mwimbaji

5. Kijakazi Mbegu- Solo Guitar

6.Mwanjaa Ramadhan-Bass Guitar

7.Chano Mohammed-Rhythm Guitar

8.Tatu Ally-Alto Sax

9.Mina Tumaini-Tenor Sax

10. Anna Stewart-Alto Sax

11. Rukia Mbaraka-Tenor Sax

12.Lea Samweli-Bongos

13. Josephine James-Drums

14. Zainab Mbwana-Maracass

15. Tale Mgongo-Timing.

Women Jazz ilipata umaarufu kiasi cha kuanza kufanya safari nje ya Tanzania, na kuweza kufanya maonyesho Nairobi na Mombasa, baada ya kutembelea miji kadhaa hapa nchini. Wakati wa matayarisho ya kwenda China kundi lilisambaratika. Kikubwa kilichosababisha hili ilikuwa ni wanamuziki kuona hawapati chochote kutokana na mapato yaliyotokana na muziki.

Tancut Almasi Orchestra na Kashasha

2011-10-06T13:00:00.001-07:00

Kuanzia album ya kwanza ya Tancut Almasi Orchestra , bendi iliendelea kutoa vibao vilivyoweza kudumu katika kumbukumbu za wote waliovizisikia kuanzia enzi hizo, album ya kwanza ilikuwa na nyimbo kama vile, Nimemkaribisha nyoka(Kasaloo Kyanga), Kashasha(Kyanga Songa), Tutasele (Kasaloo), Mtaulage(John Kitime), Big Four(Utunzi wa wimbo huu ulileta utata kwani ulianza kwa ugomvi kwa Mamado Kanjanika kudai kuwa aliutunga yeye wakati akina Kasaloo na Kyanga wakidai wameutunga wao. Lakini hatimae akina Kasaloo waliacha ugomvi huo na Mamado hutajwa kama mtunzi wa wimbo huu. Hebu angalia mambo yalivyokuwa wakati Kashasha likipigwa. Niko hapo na miwani kubwa nikiungurumisha rhythm guitar

Eddy Sheggy akikuletea Shakaza 'live'

2011-10-03T23:06:00.000-07:00

Jambo ambalo naliona wazi ni kuwa Watanzania wanapenda sana nyimbo za dansi zinazotokana na nyimbo zenye asili ya makabila ya hapa Tanzania. Nikikumbuka nyimbo kama Mtaulage, Malaine, Nyongise, ambazo ni kazi yangu mwenyewe nikiwa Tancut na Vijana Jazz, kila Munu ave na kwao ya Les Mwenge, Boko wa Kilimanjaro Band, Shakaza ya Bantu na nyingi nyingine zote zilichukua nafasi ya juu katika anga za muziki wakati wake, na hata sasa. Pengine lingekuwa somo kwa wanamuziki wa Tanzania na kuliangalia hili katika tungo zao. Hebu tumkumbuke Eddy Sheggy hapa akiwa na Bantu, akiimba na ndugu zaki Francis na Christian

Maoni ya mdau

2011-10-03T13:54:00.000-07:00

The Legendary Safari Trippers, Marijani wa pili kulia kati ya waliosimama, wa kwanza ni Uvuruge mtunzi wa wimbo Georgina

Nyumbani tulikuwa na video cassette VHS aliyorekodiwa Marehemu Doza(Marijan Rajabu) na Orchestra Dar International kwenye show yao moja kule Buguruni Casanova Bar ( Kama sikosei) kwa Mwalimu Msuya. Ngoja nitawauliza waungwana nijue iko wapi.

Marehemu Doza si tu alikuwa muimbaji, mtunzi na mpiga guitar bali pia alikuwa anajua kuusoma muziki. Nadhani nadharia ya muziki alijifunza shuleni Olympio na Tambaza kwa sababu wakati ule muziki ulikuwa bado unafundishwa shuleni. Muziki lilikuwa somo linalofundishwa shule ya Tambaza hadi miaka ya '90 sijui kwa sasa.

Nikisikiliza tungo za Safari Trippers huwa nasikia muziki uliotungungwa kitaalam haswa kuanzia kwenye ghani/melody, midundo/rhythm, vikolombwezo/harmon hadi tenzi/lyrics. Safari Trippers iliundwa na na baaadhi ya wanamuziki waliokuwa "wataalam wa muziki" wakiwemo David Mussa, Mohamed Ibun, Musiba, Marehemu Doza na Marehemu Cris kazinduki. Nakumbuka Marehemu Cris alikuwa anafanyakazi Wizara ya Elimu na alikuwa wakati mwingine anajam na Mzee Kibira (Baba yao kina Onesmo Kibira) wakipiga muziki kwenye sherehe mbali mbali pale Wizarani. Mzee Kibira alikuwa anapiga Trombone. Naomba mnisahihishe kama nimekosea.

Kwa kumalizia: Moja ya Disadvantage ya kukosa televisheni Tanzania ni kukosa hifadhi ya mambo mengi katika mfumo wa filamu.

Mkuu, tafadhali wasiliana na Televisheni Zanzibar uone kama kuna uwezekano wa kupata clips za muziki. Nakumbuka kuna ile show ya Marquis du Zaire waliyokuwa wanaionyesha katika sherehe za kuzaliwa CCM mwaka 1977. Pia unaweza kuwasiliana na Audio-Visual Institute Kijitonyama walikuwa wana materials za muziki kibao. Chuo cha Sanaa Bagamoyo walikuwa wanarekodi sana matukio wakati wa Tamasha nina hakika kutakuwa na clips nyingi tu za bendi mbali mbali zilizokuwa zinatumbuiza katika ufunguzi na maonyesho mengine wakati wa Tamasha. Mtu mwingine ambaye anaweza kuwa na materials ni Mohamed Kissoky na ni Prof. Martin Mhando nina hakika haya majungu kuu hayakosi ukoko.

Nakutakia kila la heri na mafanikio katika jitihada zako.

Mdau Sokomoko Damu, Helsinki, Finland.

Hebu pata vionjo vya MR2.....enzi hizoooooo

2011-10-03T08:29:00.000-07:00

Mwaka 1995, nikiwa najaribu kusambaza kazi za wanamuziki wa Tanzania kupitia kajimradi kadogo, mwanamuziki Innocent Nganyagwa alinijia na kunihadithia kuhusu mwanamuziki mpya wa Rap ambaye alikuwa tofauti na wasanii wenzie, kimawazo na hata jinsi ya sanaa yake ilivyo, na ndipo nikakutana na kusikia kazi ya MR2. Muziki wake ulinifurahisha kwa sababu mbili ya kwanza alikuwa akitumia Kiswahili kilichoeleweka tofauti na wasanii wengi wa Rap wa wakati huo ambao walighani Kiswahili utadhani wameshuka leo toka Marikani, pili alikuwa na ujumbe mzito, ambao hata leo miaka zaidi ya 15 toka ulipotolewa bado una maana kwa jamii ya Tanzania. Sishangai kuwa yeye sasa ni Mheshimiwa Mbunge Joseph Mbilinyi. Lazima nijisifu kuwa sikukosea kuanza kusambaza kazi yake ya kwanza album ya NI MIMI. Angalia video hii kwa makini utakuta mengi aliyosema atatimiza alitimiza.

Muone Marijan Rajabu katika onyesho 'live'

2011-10-02T09:02:00.000-07:00

Wengi humfahamu Marijani Rajabu kama mtunzi na muimbaji, lakini alikuwa pia mpiga gitaa mahiri, kama anavyoonekana katika video hii wakati yuko katika kundi lililokuwa na staili wakiiita 'Mahepe Ngoma ya Wajanja'. Hii ni clip fupi kati ya nyingi zitakazoonekana katika kipindi cha TV kitakachoanza kuwa hewani karibuni ili kuhifadhi historia ya sanaa zetu Tanzania.

Kasaloo Kyanga na Kyanga Songa

2011-09-30T13:17:00.000-07:00

Jerry Nashon

2011-09-30T13:16:00.000-07:00

Orodha ya nyimbo za Frank na dada zake

2011-09-27T06:28:00.000-07:00

Niliahidi kutafuta orodha ya nyimbo za Frank na dadake hii ni orodha fupi

1. Mahaba ya nipe nikupe

2. Kwa heri

3. Kufotoa foto

4. Kichipukizi

5. Kama wanipenda

6. Juliana

7. Huo Mwamba

8. Wasero sendayi

9. Utapata taabu

10. Siri yangu

11. Saida

12. Hunijali

13. Pita mbali

14. Nyoka kabatini

15. Nipeleke

16. Ninino ni nini?

17. Nimezoea

18. Nasikitika kusema

19. Mwanangu Lala

20. Mkunde

21. Mapenzi kwa pembe

22. Mama Wee

23. Harusi

24. Yes No

Maisha ya Frank Humplick

2011-09-26T08:25:00.000-07:00

Franz Yosef Humplick ndilo jina alilopewa Frank Humplick baada ya kuzaliwa katika shamba la baba yake, ambaye alikuwa mhandisi wa Kiswisi ambaye alishiriki katika ujenzi wa reli ya Tanga hadi Arusha. Tarehe 3 April 1927 ndo siku Frank alipozaliwa. Mama yake alikuwa Mchaga. Frank pia alizaliwa na dada zake wawili Thecla clara na Maria Regina ambao hatimae alifanya nao kazi nyingi za muziki wao wakiwa waimbaji, yeye akitunga, akiimba na kupiga gitaa.

Frank alianza rasmi kazi ya muziki kwa kurekodi 1950. Akiwa Katika bustani iliyokuweko katika ghorofa la KNCU, alirekodi nyimbo ambazo zilirekodiwa na kampuni ya Galatone kutoka Afrika ya Kusini.

Peter Colmore ambaye aliweza kugundua vipaji vya wanamuziki wengi kama Edward Masengo, Mathias Mulamba, Esther John kupitia Kampuni yake ya High Fidelity Productions, alianza kazi ya kupromote kazi za Frank na dada zake. Akitumia label yake ya His Masters Voice Blue Label aliweza kuanza kusambaza kazi za ndugu hawa na kwa miaka kumi sauti ya Frank Humplick na dada zake ilitawala anga za Afrika ya Mashariki. Wimbo wa Harusi ambao ulirekodiwa katika miaka ya 50, uliitwa wimbo wa Taifa wa Harusi wa Afrika ya Mahsariki, wimbo huu ulikuja kurudiwa tena na bendi ya Afro70, chini ya Patrick Balisidya na pia The Mushrooms wakaurekodi tena na kuupa umaarufu mpya na hata wao kujipatia umaarufu japo haukumpa chochote Frank wala ndugu zake.

Frank na dada zake waliimba nyimbo kadhaa za Kichaga, kuna habari inasema Chief Thomas Marealle alimwomba Frank atunge nyimbo za Kichaga kwani wakati huo akina George Sibanda toka Rhodesia ya Kusini(Zimbabwe), Manhattan Brothers(Afrika ya Kusini) waliimba kwa lugha zao za Kishona na Kizulu. Frank alitimiza kazi hiyo kwa kutunga nyimbo kama Wasoro na Kiwaro.

Kati ya nyimbo ambazo zinastahili ziwekwe katika kumbukumbu ya Taifa hili ni wimbo Yes No. Wimbo huu uliotugwa wakati wa mapambano ya kutafuta Uhuru, ilikuwa na mafumbo mengi na ulitumika kabla ya kila mkutano wa TANU na kutumiwa sana na wanasiasa wa wakati huo kiasi cha Gavana Sir Edward Twining alitoa amri usipigwe tena Sauti ya Dar es Salaam na msako wa nyumba kwa nyumba ulifanyika kutafuta nakala za wimbo. Frank Humplick anasatahili akumbukwe zaidi na Taifa la Tanzania.

Maelezo zaidi kuhusu Mzee Frank Humplink toka kwa mdau

2011-09-18T23:31:00.000-07:00

Ili kukusaidia, hii hapa listi ya nyimbo za Frank na dada zake-: Mdudu, Mpenzi Rudi, Bibi Maria, Ua langu Jasmin, Keri Lochi, Efokulele, Sheikh Nuhu, Mama Pendo, Chiriku, Mama Sofia,Tupendane Wote, Niliona Chipukizi, Ukiwa Mtoto, Harusi ya Tausi, Show Me The Way Home, Nakupa Kwaheri,Niezoea Kusafiri, Siku Ya Kwanza, Hodi karibu, Hadijy, Sisi Kwa Sisi.
Kuna nyingine nyingi tuu lakini sijapata fursa ya kufanya utafiti. niko katika matayarisho ya kuandika kitabu kuhusu muziki wa Tanzania na panapo majaaliwa ya mungu tutafufua zaidi ukweli na haki ya wanamuziki kama kina mzee Frank. Kwa ufahamisho tuu, ule wimbo wa Western Jazz 'Nilikupenda sana' umesajiliwa kama utunzi wa Juma Mzingo wa Safari Sound. Tutaaamka lini?

Hamissi Delgado

After the burial of Suleiman Kasaloo Kyanga...........his music

2011-09-11T03:27:00.000-07:00

Tulijikumbusha nyimbo zake mara baada ya mazishi yake.

Seleman Kasaloo Kyanga

2011-09-09T10:04:00.000-07:00

Mwanamuziki Selemani Kasaloo Kyanga ambaye alikuwa pacha wa Kyanga Songa walizaliwa Kongo mwaka 1957. Walikuwa ni nyota katika bendi zote walizopitia nchini zikiwamo, Matimila, Makassy, Maquis, Sambulumaa, Ngorongoro Heroes, Tancut Alimas, Sandton Sound, Kalunde Band na bendi nyingine nyingi . Kasaloo aliyetangulia kuingia nchini akifuatana na Skassy Kasambula mwaka wa 1980, aliweza kutingisha anga za muziki kuanzia pale aliposikika kwenye nyimbo zilizorekodiwa na Super Matimila. Kyanga nae akisindikizana na Issa Nundu walifuatia na sauti zao kuanza kusikika katika recording ya Orchestra Makassy na zile nyimbo Olenge,Bembeya,na pia kuimba na Masiya Radi katika nyimbo Tunagombana Bure. Kyanga alifia Kenya na Kasaloo amefariki jijini Dar es Salaam kutokana na mapafu yake kujaa maji. Alikuwa Sandton Sound Band aliyojiunga nayo akitokea Kalunde Band. Kamati ya msiba wa Kasaloo ikiongozwa na King Kiki yenye wajumbe Mzee Mapili, Mzee Manyema, Mbombo wa Mbomboka, Deo Mwanambilimbi, Mzee Jerome, Matunda, Mzee Peter George na John Kitime, imetoa ratiba ifuatayo.

Saa 3-5...Kutayarisha mwili katika hospitali ya Mwananyamala

Saa 7-9 Kuagwa na dua nyumbani kwa marehemu Tiptop Manzese

Saa 10 Mazishi Sinza Makaburini.

Marehemu ameacha wake wawili na watoto 6.

Seleman Kasaloo alibadili dini na kuwa Muislamu katika miaka yake ya mwisho ya maisha, na kutoa wosia kuwa azikwe kwa taratibu za dini yake ya Kiislam.

Kasaloo Kyanga to buried in Sinza tomorrow 4pm 10th September 2011.

2011-09-09T02:42:00.000-07:00

Kasaloo Kyanga is no more. The great composer and singer died this morning Friday 9th Setember 2011, at Mwananyamala Hospital in Dar es Salaam. Kasaloo who had a twin brother Kyanga Songa (another great composer and singer),who died several years ago in Kenya will be remembered for his evergreen hit Kalubandika (Maquis Original) which became famous all over East Africa. A number of Kasaloo's compositions continue being performed by other musicians include a hit he composed with Tancut Almasi Orchestra, Masafa Marefu. With hits streaching almost thirty years, his voice will be missed in the music circles.

Frank Humplick, ujumbe toka kwa mwanae

2011-09-05T22:14:00.000-07:00

Kwa furaha ningependa kuweka ujumbe huu toka kwa mwanae Frank Humprick- John, kwanza kabisa nikupe shukrani kwa kuutambua mchango wa Marehemu Mzee Frank Joseph Humplick katika harakati za kutafuta uhuru wa Tanganyika. Kama mwanamuziki unatambua effort na creativity inayohitajika kutunga na kutoa wimbo. Baada ya kusema hayo ningependa kusema kwamba ni kweli Marehemu Mzee Frank Humplick alitunga nyimbo nyingi sana wakati akiwa 'active' kama mwanamuziki. Ni kweli pia kwamba baadhi ya nyimbo zake zimewapatia watu wengine (wakiwemo the Mushrooms Band kutoka Kenya) umaarufu pamoja na fedha hususan wakati ambapo nyimbo zinazojulikana kama 'zilipendwa' zilianza kuwa adimu na hivyo kusakwa sana. Lakini just to put the record straight, nyimbo 2 ambazo umezimetaja yaani, Simba wa Bara na Kola kolola siye yeye aliyezitunga. Hizo ni nyimbo za Marehemu Fundi Konde kama sikosei. Ila wimbo wa Tufurahi kwani leo harusi ni utunzi wake na watu wengi mpaka leo wanaamini kwamba wimbo huu ulitungwa na Bendi ya Afro 70 wakati si kweli. Nilitaka tu kuchangia hilo na Hongera kwa kutupa 'updates' za hapa na pale katika facebook. I enjoy reading your posts. BJ Humplick (mtoto wa Marehemu Frank Joseph Humplick)
Shukrani sana BJ, Ni wazi kuna haja ya kukusanya na kuweka wazi list ya nyimbo za Frank na dada zake. Nitahakikisha nakuja na list iliyosahihi katika blog hii mapema iwezekanavyo.

Frank Humplick na dada zake

2011-09-03T01:20:00.000-07:00

Mzee Frank Humplick Mtanzania, ndiye mtunzi wa nyimbo kama Kolokolola, Simba wa Bara, Tufurahi kwani leo harusi, (wimbo uliorekodiwa baadae na Afro70 na pia Mombasa Roots) na nyimbo nyingi sana ambazo bado zinapigwa na bendi nyingi hapa Afrika ya Mashariki. Mzee Humplick wakati wa mkoloni aliwahi kutunga wimbo uliyokuja kupigwa marufuku na santuri za wimbo huu kusakwa nyumba hadi nyumba ili kusibakie hata nakala ya wimbo huo? Maneno ya wimbo huo yalisema hivi:
Uganda nayo iende

Frank Humplick

Tanganyika ikichangaruka, Kenya na Nyasa zitaumana

Nasikia fununu wanavyoichanachana China, Kitisho!

I am a democrat, I don't want communism, English, Yes, No I don't know, Kizungu sikijui

Wanyika msishindane na Watanganyika

Wimbo huo ukaanza kutumika kabla ya mikutano ya Mwalimu Nyerere na kuanza kuwa maarufu kama wimbo wa kudai uhuru, wakoloni haraka sana wakaona wimbo huu utaweza kusababisha vurugu kama ambazo zilikuwa zinaendelea Kenya chini ya Maumau. Serikali ikaupiga marufuku na kuanza kuusaka nyumba hadi nyumba

Kati ya mwanamuziki Mtanzania ambae historia haijamtendewa haki kutokana na kutothaminiwa kwa kazi zake ni marehemu Mzee Frank Humplick. Mzee Humplick ameishi kwa miaka mingi ya mwisho wa maisha yake Lushoto. Mzee huyu akiwa na dada zake wawili walitikisa anga za muziki wa Afrika ya Mashariki, na bado wanaendelea kufanya hivyo japo hawatambuliwi kabisa. Kundi lao lililoitwa Frank na dada zake waliuletea ulimwengu nyimbo nyingi ambazo mbaya zaidi mara nyingi nyimbo hizo zimekuwa zikitambulishwa kama nyimbo za mwanamuziki mwingine kutoka Kenya marehemu Fundi Konde.

Maquis wakiwa katika show yao moja jijini Nairobi

2011-08-25T08:29:00.000-07:00

Mbombo wa Mbomboka akifuatiwa na Adios, na mwisho Audax, kwa nyuma na Sax ni Mzee Chinyama

Wajue Fauvette

2011-08-25T08:17:00.000-07:00

Marehemu Ndala Kasheba na King Kiki

Ganda la Santuri ya Fauvette ikitangaza santuri zao nyingine

Waliosimama toka kushoto- Leornard(Second solo/Keyboards), Gustav Mwana(Drums), Johnson(Trumpet/vocals), Marchel Chimponda(Saxaphone), Gigi(Bass), Jojo Kabala(Vocals), Ndala Kasheba(Solo Guitar), Motoo(Tumba). Waliokaa toka kushoto-Baziano Bweedi(Vocals), Monga Stan(Rythm guitar), King Kiki(Vocals).

Unawakumbuka Orchestra Fauvette

2011-08-24T12:59:00.000-07:00

Wapili toka kulia waliosimama ni marehemu Ndala Kasheba.

Hii ni bendi iliyokuja Tanzania na kutingisha anga la Afrika Mashariki na Kati. Kati ya wanamuziki waliokuwemo katika kundi hili ambao waliendelea kubaki nchi hata baada ya kufa kwa kundi hili ni King Kiki, marehemu Ndala Kasheba, marehemu Baziano. Wangapi unawakumbuka katika picha hii?

Chakula kwa jirani ya Tabora Jazz Band

2011-08-22T11:07:00.000-07:00

Nimekumbuka mashahiri ya wimbo Chakula kwa jirani ya Tabora Jazz wakiwa na mtindo wao Segere Matata. Namkumbuka Rafiki yangu Wallace Mkello aliyeupenda sana wimbo huu

Visa alivyotenda Wallace mama

Sintovisahau, maishani mwangu,

Alinidanganya nihame kwetu, kisha anipe tabu mimi,

Halali nyumbani Wallace sijui yu wapi.

Chorus

Chakula nakula kwa jirani jama

Mafuta ya taa kwa jirani jama

Mwishowe jirani wamechoka jama

Kulala na lala peke yangu jama

Tabora Jazz Band 1969/70

Wallace kanifukuza nende kwetu

Msondo yashinda Tuzo za East Africa Music Awards(EMA)

2011-08-21T16:19:00.000-07:00

Alyeshika Tuzo ni Roman Mng'ande mpiga trumpet wa Msondo, aliyeshika microphone ni Kibiriti meneja wa Msondo

Msondo Ngoma Baba ya muziki imedhihirisha cheo chake hicho kwa kushinda Tuzo za EMA katika kundi la Best Rumba Group, waliingia tuzo hiyo kwa kutumia wimbo wao mtamu Kalunde. Hongera sana Msondo Group

Chinyama Chiaza aka Chichi

2011-08-21T11:19:00.000-07:00

Kushoto Chinyama Chiaza, kushoto Chibangu Katai(Mzee Paul)

Chinyama Chiaza alikuwa si tu mpuliza saxaphone mahiri bali alikuwa kiongozi mzuri sana. Aliiwezesha Orchestra Maquis Du Zaire kuingia katika biashara na wakati huo kuanzisha kampuni-Orchestra Maquis Company iliyojulikana zaidi kama OMACO, ambapo bendi hiyo iliweza kuwa na mashamba, sehemu ya kuuzia mazao Kariakoo na hata nyumba kadhaa za bendi eneo la Sinza mkabala na shule ya Mashujaa Sinza. Kifo chake 1985 kiliiyumbisha sana Maquis, kuna wengi wanaoona kuwa kifo cha Chichi ndicho kilichoanzisha kuporomoka kwa Maquis

Malaika wimbo wenye utata

2011-08-21T01:50:00.000-07:00

Fadhili Wiliam anaetambulika kama mtunzi wa wimbo Malaika

Kuna nyimbo nyingi duniani ambazo zimekuwa na utata kuhusu aidha utunzi au upigaji wake. Kwa mfano kumekuwa na hadithi nyingi kuhusu kundi la Bonny M kuwa nyimbo zao zile hazikuwa zinaimbwa na wao, na hasa ile sauti ya mwanaume aliyeimba studio alikuwa ni producer wao. Kulikuweko na kundi la Nili Vanili ambalo licha ya kutoa album kadhaa zilizotikisa ulimwengu ilikuja dhihirika kuwa waliokuwa waliokuwa wanarekodi nyimbo hizo ni watu wengine kabisa na waliokuwa wanaonekana kwenye cover ya album, siri ilipovuja ukawa mwisho wa kundi hili. Hapa kwetu kuna utata ambao sijui kama utakuja pata jibu, nao ni kuhusu utata wa nani mwenye wimbo wa Malaika. Hadithi moja ni kuwa mtunzi halisi wa wimbo Malaika alitoka Moshi na alikuwa kamtungia mpenzi wake. Lakini pamoja na kuwa aliutunga na ukawa unapigwa 'live' hakuurekodi. Ila Fadhili William ambae inadaiwa wakati huo alikuwa fundi mitambo wa bendi alikuja kuurekodi na kuusajili kama ni wake na hivyo kupata fedha nyingi sana kutokana na wimbo huo.

Muziki wa salamu za wagonjwa

2011-08-20T10:29:00.000-07:00

Kwa wale waliokuwa wapenzi wa RTD watakumbuka kipindi kilichokuwa Jumapili asubuhi ambapo RTD ilitembelea hospitali mbalimbali na kuwawezesha wagonjwa watume salamu. kipindi kiliitwa 'Salamu za wagonjwa'. Wimbo ulioashiria kuanza na kuisha kwa kipindi hicho ulipigwa na mwanamuziki Mzee Kungubaya nimebahatika kupata tena picha yake huyu ndiye Kungubaya. Angalia hiyo stika kwenye gitaa mnakumbuka CO CABS?

Nyimbo za Fauvette

2011-08-20T03:46:00.000-07:00

Hili ni cover la nyuma la santuri mojawapo ya Fauvette, unazikumbuka nyimbo hizi? Kati ya ambazo zilishika chati ni Jacqueline, uimbaji ulikuwa safi sana.Vivi kilikuwa kibao kingine murua na nyuma yake ilikuwa Chacha moja kali Monte Ardento.Camarade ya nzela, Malinda, Mama nakupenda unipe mapendo, ukinacha kumbuka kweli sina rahaa.................Those were the days

Mzee Morris Nyunyusa

2011-08-19T13:18:00.000-07:00

Mzee Morris Nyunyusa

Kwa miaka nenda rudi wengi tulikuwa tukisikia midundo ya ngoma iliyokuwa inaashiria kuanza kwa taarifa ya habari katika redio ya Taifa, toka enzi za TBC hadi RTD. Ngoma hizo zilipigwa na mwanamuziki aliyekuwa na ulemavu wa macho si mwingine bali ni Mzee Morris Nyunyusa. Pamoja na kutokuwa na uwezo wa kuona Mzee huyu alikuwa anaweza kupiga ngoma 17. Kwa bahati mbaya sana ngoma hizo hazisikiki tena katika redio zetu lakini ujuzi wa Mzee huyu bado haujafikiwa na wasanii wa leo.

Ahmed Mohamed Kipande wa Kilwa Jazz Band

2011-08-19T13:07:00.000-07:00

Kilwa Jazz Band


Ahmad Kipande

Ahmed Mohamed Kipande ni kati ya wanamuziki ambao wameacha jina kubwa kutokana na mchango wake katika maendeleo ya muziki wa Tanzania.

Kipande alizaliwa Kilwa Kivinje mwaka 1937, alianza shule 1946 huko huko Kilwa Kivinje na baada ya darasa la nne akahamia Dar es Salaam ambako aliendelea shule ambayo baadae iliitwa Uhuru Boys mpaka alipomaliza darasa la nane.

Alipoanza kazi alianzisha kundi la muziki lililokuwa likitumia vyombo vya asili , baadae akaanzisha bendi rasmi ya muziki aliyoiita Home Boys. Ujuzi wa muziki wa Kipande ulianza kujulikana rasmi 1955 wakati alipoweza kushika nafasi ya pili katika mashindano ya kupiga gitaa yaliyofanyika mtaa wa Kichwele, mbele ya viongozi wa Kikoloni. Kipande alipata zawadi ya shilingi 15 kwa kuwa wa pili. Mwaka 1958 aliachana na bendi ya Home Boys na kuanzisha Kilwa jazz Band akiwa na wanamuziki watano tu. Kipande alikuwa hodari kwa gitaa la solo na hata kumudu vizuri gitaa la Hawaian na pia alikuwa mpuliza saksafoni mahili sana. Alikaa miaka mingi Kilwa na kupiga nyimbo ambazo hadi leo bado watu wanazipenda. Napenda nipate lau nafasi, Nachekacheka Kilwa leo, Play your Part na nyingi nyingine, kutokuelewana fulani kukamfanya ahame na kuanzisha African Quellado, bendi nzuri ambayo haikudumu muda mrefu, alijaribu kufufua tena Kilwa Jazz iliyokuwa imekufa lakini haikudumu muda mrefu.Hakurudi tena kwenye muziki mpaka mauti yalipomkuta. Shahiri zuri sana lilitungwa na mtunzi Saidi M Nyoka(Udogo si hoja) katika kumuelezea Ahmad Kipande.

Amezikwa Jumanne,jeneza tukalibeba,

Aprili mbili nne, mwaka themanini na saba,

Ikabidi tujazane, kinamama kinababa,

Kwa Maguruwe sa nane,tutele kwenye msiba,

Machozi tele matone, simanzi imetukaba,

Kiasi tusijuane, uzishini kwa nasaba,

Kalale pema panene, Kipande kwaheri baba

Alikuwa maarufu, Kipande na bendi yake

Nchi hii kaisifu,katika utunzi wake,

Leo tena katawafu,Yarabi pema muweke,

Muweke paangalifu, kila jaza imfike,

Anukishie harufu, njema kaburini pake,

Umsamehe machafu,Yarabi kando uyaweke,

Yaweke mema matufu, Kipande afaridhike,

Faraja ya ukunjufu, Roho yake ifufuke,

Mjaze mema Latifu, humo kaburini mwake.

Alikuwa mwimbaji, mzuri wan chi hi,

Kadhalika mtungaji, hodari wa wasanii,

Kisha mpulizji, wa zumari kwa bidii,

Bidii ya mwanambuji, sasa hatumsikii,

Bwana Mungu mfariji,Pepo njema ya utu,

Aishi katika mji,wa amani na jamii,

Jamii ya watendaji, mazuri ya utwalii,

Nasi nyuma wafataji, njia ndo hii hii,

Kimezimika kipaji, kupotea jii jii

Alikuwa kiongozi, wa bendi mwenye akili,

Kaongoza Kilwa jazi,kwa nyimbo za maadili,

Kwa amri ya Mwenyezi, kaufisha wake mwili,

Mwili wake hatuwezi, kuuona kwa dalili,

Mawazo yake azizi, hayafutiki kwa kweli,

Molla umpe makazi,mazuri penye kivuli,

Kivuli chenye mbawazi,kisichopenya miali,

Mwondoshee mabazazi,na adui wakatili,

Afate maelekezi , ua wewe Bwana Jalali.

Kipande alifariki 23 April 1987 nyumbani kwake Tandika Maguruwe na kuzikwa hukohuko, baada ya kuugua kwa muda wa miaka 10 akiwa amepooza upande wa kulia wa mwili wake.

Wapiga magitaa wa Sikinde

2011-08-16T14:03:00.000-07:00

Abdallah Dogodogo na Gasper Kanuti

Gasper Kanuti na Michael Bilali

Kanuti na Mkanyia

Ngosha Kanuti

Sikinde ilishapata wapigaji magitaa wengi sana wazuri hebu wakumbuke hawa.

Andy Swebe na kunzishwa kwa Kilimanjaro Connection na African Stars

2011-08-03T16:11:00.000-07:00

Kilimanjaro Connection awamu ya pili

Sunshine Band wakiwa Muscat

Adam Kinguti, kaka wa Ramadhan Kinguti maarufu kama Kinguti System, alirudi Dar es salaam na vyombo vipya vya muziki baada ya kutoka kutumikia katika ubalozi mmoja wapo wa nje. Na hivyo wana muziki kadhaa wakaamu kuhama MK Group, wana Ngulupa na kwenda kuanzisha Bicco Stars. Mkutano wa kwanza wa wanamuziki wa MK wa kupanga kuhamia Bicco uliwahusisha Sidy Morris, Asia Darwesh, Andy Swebe, Mafumu Bilali , Joseph Mulenga, Green Simtowe na Deus Mgunda, lakini wengine walibadili mawazo na kubakia MK. Hapakuweko na sababu maalumu ya kuhama Ngulupa zaidi ya uamuzi wa kudhani Bicco kungekuwa kuzuri zaidi. Bicco ilikusanya wanamuziki kama Asia Darwesh, Fresh Jumbe, Ramadhan Zahoro Bangwe, Aimala Mbutu, Ray Thomas, Seif Lengwe, Shomari Fabrice, Nyota Abdallah, Bob Ludala, Athumani Cholilo na pia Yahaya omari, kati ya kazi za kukumbukwa za bendi hii ilikuwa ni kufanya mradi wa nyimbo za Mzee Mwinamila, Bicco Stars walirekodi na Mzee Mwinamila. Asia alipata vyombo vyake na akaanzisha Zanzibar sound, Mafumu na Sidy, wakaondoka na bendi hiyo na kuhamia Arusha. Andy alibaki na Bicco Stars lakini wakati wa safari moja ya kuzuru mikoa wito ukamjia kuwa kuna kazi imepatikana Japan chini ya uongozi wa Kanku Kelly, hivyo alilazimika kuhama bendi na kujiunga na wenzie katika Zanzibar Sound huko Arusha na kuanza mazoezi ya kazi ya Japan. Hapo ndipo Kilimanjaro Connection ilipozaliwa, ilikuwa ni bendi ya watu sita akiwemo Kanku Kelly(Trumpet), Asia Darwesh(Keyboards na kuimba), Buruhani Adinani(Guitar), Mafumu Bilali(Saxophone), Shomary Fabrice(Drums), na Andy Swebe(Bass), bendi ilikaa Japan miezi sita na baada ya hapo ikaenda Malasia, lakini Asia alijitoa katika bendi hii na kurudia bendi yake ya Zanzibar Sound. Hivyo katika safari ya Malasia bendi ilimuongeza ikiwa na Delfe Mulunga na Maneno Uvuruge. Andy na Mafumu wakiwa kulekule Malasia waliamua kuacha kikundi na waliporudi Dar es salaam walijiunga tena na Asia na kuendelea kupiga Bahari Beach Hotel, lakini muda si mrefu Zanzibar Sound ikapata kazi Bahrain, hivyo Andy na Mafumu wakabaki na kujiunga na Bob Gadi, Shaft, Palmena Mahalu na wanamuziki wengine na kurudi tena kwa Mkurugenzi wa MK Group Baraka Msilwa na kuanzisha bendi ya African Stars na kuendelea na mkataba Bahari Beach Hotel kwa miaka mitano, wakipiga mtindo wa Kipetapeta.

Mafumu Bombenga akawa amepata vyombo na wanamuziki wote wa kundi hili kasoro Bob Gadi wakahama bendi na kuanzisha kundi jingine na kuliita African Stars, jina hili lilileta ugomvi na uongozi wa bendi iliyopita, hivyo ikalazimika kubadili jina na kujiita African Beat Band, baadhi ya wanamuziki waliokuwemo walikuwa Amigolas, Mafumu Bilali, Andy Swebe na Buruhani Adinani bendi ikahamia Arusha na kukaa huko mwaka mzima. Karibu Bendi hii nzima tena ikahama na ikarudi tena chini ya Baraka Msilwa na kuanzisha kundi la African Revolution wakiwa na mtindo wa Chumvichumvi. Bendi ilianza kazi Arusha ikaongeza wanamuziki kama Deo Mwanambilimbi, Yuda, Baraka Rajab, Oscar Haule, Cadet Bongoman, Deo Mwamba, na Petit Makambo. Delfin Mulunga akamwita Andy wakaenda Muscat kwa mkataba wa miezi sita, kule ikaundwa bendi ya Estetica Musica. Baada ya kurudi nchini Andy akawa hana bendi akipiga katika recording nyimbo kama Siwema, Siri yangu za JD, nyimbo mbalimbali za Cosmas Chidumule na wanamuziki wengine wengi. Baada ya hapo wakiwa na Maneno Uvuruge wakaanzisha bendi ya kupiga muziki wa jazz tupu na hivyo kuanzisha bendi inaitwa Almasi Band, bendi ilianza kupendwa sana. Kundi zima likapata mkataba wa kwenda Muscat kufungua Seeb International Hotel, band iliporudi Dar ikakuta vyombo vimeuzwa ukawa mwisho wa Almasi Band. Kwa sasa Andy alieanza na bass la nyuzi nne, akahamia bezi la nyuzi 5, anajifunza bezi la nyuzi 6.

Andy Swebe mpiga bezi mahiri

2011-08-02T17:33:00.000-07:00

Picha zaidi za onyesho la Sauti za Kale

2011-07-24T04:12:00.000-07:00

2011-07-23T06:01:00.000-07:00

Baada ya mazoezi ya takriban miezi miwili hatimae wanamuziki wakongwe walifanya onyesho lao ambalo lilikumbwa na mikasa ya dakika za mwisho ambayo ingekuwa si ukubwa dawa kungekuwa hakuna onyesho.

Baadhi ya mambo yaliyojitokeza siku ya mwisho ni kupatikana kwa taarifa kuwa vyombo ambavyo vilikuwa vitumike katika onyesho ambavyo ni vile alivyotumia Shaggy kule Mwanza, vilipata shoti kubwa ya umeme na kuharibika kwa hiyo havikuweza kutumika. Harakati ya kutafuta vyombo vingine ilifanyika na kuweza kupatikana kwa ufadhili wa Makumbusho Entertaiment katika dakika za mwisho. Jukwaa ambalo lilikuwa litumike ikapatikana taarifa kuwa limepelekwa Tanga kwenye onyesho huko, na hivyo siku ya mwisho kuanza kutafutwa jukwaa. Pamoja na kuweza kufanikisha kupata vitu mbadala, tatizo la kukosa umeme wa TANESCO lilileta changa moto nyingine. Kupata generator kubwa kutosha kuweza kusukuma vyombo vyote na zile taa za rangi, ilikuwa ni mtihani, hivyo kulazimika kuwa na generator mbili ambazo moja ilitumika kwa taa na nyingine kwa vyombo, kwa kuwa generator hazikuwa na nguvu ikalazimika kutumia robo tu ya vyombo, tukitegemea kuwa TANESCO wangerudisha umeme saa tano usiku, la kuvunda halina ubani, TANESCO wamerudisha umeme sa nane na nusu usiku dakika chache baada ya onyesho kwisha, hivyo muziki kutokuwa na ubora uliostahili.

Kwa upande wa wanamuziki waliokuweko walikuwa Juma Sangula-Bass huyu ndie mzee kuliko wanamuziki wote waliokuwepo, ndie aliyerekodi na Salum Abdalla wa Cuban Marimba vile vibao Shemeji shemeji, Wangu Ngaiye na kadhalika-kapewa jina la utani Sharobaro. mzee huyu muda wote ye hucheka na kupenda utani. Mabrouk Hamis maarfu kama Babu Njenje wa Kilimanjaro Band, King Kiki, Kasongo Mpinda, Waziri Ally, Kabeya badu, Adinani Ally wa Shikamoo JAzz, Juma Ubao wa enzi ya Biashara Jazz Kumbakisa, Mafumu Bilali, Mbangu Kazadi mpiga rythm wa OSS na Maquis,Andy Swebe, huyu alipiga Bass Makassy, Bicco Stars, MK Group na kadhalika, John Kitime wa enzi ya Tancut, Orchestra Mambo Bado, Vijana Jazz na kadhalika. Akuliake Salehe maarufu kama King Maluu, Bonny Kachale alikuwa mpiga trumpet aliyewahi kupitia Mzinga Troupe, Mlimani Park OSS, kwa sasa ni mchungaji katika kanisa la Efatha. Hamza Kalala Comandoo na mzee wa madongo, Maneno Uvuruge kutoka kwenye ile familia ya wanamuziki, akina Stamili, Huluka na wengineo. Matei Joseph mpiga drum,aliyepitia Uhamiaji Jazz Band, MK Group, Double O na bendi nyimngi nyingine

. Baadhi ya nyimbo zilizopigwa ni:
1.Miaka 50 ya Uhuru
2. Tanzania Yetu nchi ya furaha-Atomic Jazz
3. Kiyongo-Maquis du Zaire
4. Georgina -Safari Trippers
5. Mali ya Mwenzio-Kilwa Jazz
6. Mtoto acha kupiga mayowe- Dar Jazz
7. Anjeluu- Maquis
8. Magie- Maquis
9. Masafa Marefu-Tancut Alimasi Orchestra
10. Tumezaliwa wote- UDA Jazz
11. Sogea Karibu -JUWATA
12. Kitambaa Cheupe-Zaita Muzika
13. Salam Nimpe nani-
14. Roza Nenda Shule-Safari Trippers

Onyesho la Wakongwe 22 July 2011, Salender Bridge Club

2011-07-12T12:48:00.000-07:00

Kwa mara nyingine tena lile kundi la wakongwe litakuwa jukwaani, Salender Bridge Club, tarehe 22 July 2011 katika onyesho la kusherehekea miaka 50 ya Uhuru. Baada ya mazoezi ya makali ya miezi kadhaa sasa mambo yatakuwa jukwaani. Wakati huo huo kundi zima liko Metro Studio kwa ajili ya kurekodi nyimbo 3, Miaka 50 ya Uhuru, Kilimo kwanza, na Tanzania Yetu, hii nyimbo ya tatu inatokana na nyimbo ya zamani ya Atomic Jazz Band

Tanzania yetu ndio nchi ya furaha.

Ulikuwa mpenzi wa Lipua lipua?

2011-07-07T18:23:00.000-07:00

Kama ulikuwa mpenzi wa lile kundi maarufu la Orchestra Lipua Lipua lazima unamkumbuka mpiga bezi wa bendi hiyo alikuwa akitajwa karibu katika kila nyimbo. Kwa muda mrefu sasa yuko Dar es Salaam. Je, unamkumbuka alikwa anaitwa nani? Picha yake hiyo hapo juu, kwa sasa huwa anapiga na King Kiki na Wazee Sugu

Sauti tamu ya Mzee Salum Zahoro

2011-07-03T00:18:00.000-07:00

Mzee Salum Zahoro ana umri wa miaka 75,lakini mpaka leo yupo jukwaani akiendelea si tu kupiga gitaa lakini pia kuimba. Na sauti ya Mzee Zahoro bado ni ilelile tamu ambayo ilikuwa ikisikika katika nyimbo zake maarufu wakati huo akiwa Kiko Kids. Nyimbo kama Sili sishibi silali, Wamtetea nini, Na kakumpa na kadhalika hapa ni video yake ya wiki hii

Mazoezi 'live'

2011-06-29T18:04:00.000-07:00

Mazoezi ya wanamuziki wakongwe yafikia patamu

2011-06-28T13:44:00.000-07:00

Maneno Uvuruge

Matei Joseph

Kasongo Mpinda

King Kiki

Mtangazaji wa miaka mingi Abdallah Majura alitembelea kambi

Hali katika kambi ya wanamuziki wakongwe ni ya furaha na vicheko muda wote, utani wa hawa wanamuziki wakongwe unafanya mazoezi yaonekane yanachukua muda mfupi kila siku. Mazoezi haya ambayo hufanyika Jumatatu hadi Jumatano kuanzia saa 4 asubuhi hadi saa kumi na mbili jioni ni yenye mafunzo na utamu mwingi. Vibao vingi vya zamani vinapikwa upya na vibao vipya pia vimetungwa tayari kwa kuingia studio. Wageni ni wengi na huwa furaha kuu wakati watu ambao hawajaonana zaidi ya miaka 30 kuonana tena na kuchekana kwa wingi wa mvi au ukubwa wa kitambi.

New Star Jazz Band ya Tanga

2011-06-14T15:28:00.000-07:00

Waliosimama -Mwanyiro Suleiman(Computer) na Hassan Ngoma, aliyechuchumaa Mohamed 'Moddy' Mrisho, mwaka 1972

Tanga kulikuwa na bendi nyingi na kulikuweko na bendi kadhaa zilizoweza kupata umaarufu wa kitaifa na kimataifa. Jamhuri Jazz Band, Atomic Jazz Band, Amboni Jazz Band ni baadhi ya bendi ambazo hukumbukwa sana lakini pia kulikuweko na bendi nyingine ambayo haikudumu muda mrefu japo ilipata kurekodi nayo iliitwa New Star Jazz Band. Pichani wapigaji wa bendi hiyo katika mwaka 1972. Marehemu Suleiman Mwanyiro hukumbukwa sana kwa bezi lake na mbwembwe alizokuwa akizifanya wakati wa kupiga, hapa anaonekana akiwa na suruali zilizokuwa na lisani ya aina yake, staili hii ya ushonaji iliigwa kutoka kwa mwanamuziki James Brown. Maelezo ni kuwa bendi ilikwenda Nairobi kushonewa suruali hizo. Aliye pembeni ya Manyiro ni Hassan Ngoma huyu nyimbo ambazo alipiga Atomic Jazz kabla ya kuingia kwa John Kijiko zinapigwa na kuliwaza mpaka leo, kati ya hizo labda nitaje mbili, wimbo ule wenye maneno, Tanzania yetu ndio nchi yenye furaha , kote ulimwenguni watu wote watambua, Tanzania nia yetu ndiyo nchi ya kusifiwa. Pamoja na ule wimbo wa mapenzi Afidha wangu, ni kazi ya upigaji solo wa huyu bwana. Aliye chuchumaa bado anapiga muziki mpaka leo ni Mohamed Mrisho aliye katika kundi la Kilimanjaro Band, gitaa lake linajulikana sana kwenye nyimbo zote za Njenje, na hasa solo katika wimbo wa Kinyaunyau, Boko na kadhalika. Kumbukumbu safi sana hii.

Ugeni wa watangazaji na mafundi mitambo wakongwe

2011-06-14T13:54:00.001-07:00

James Mhilu fundi mitambo

Mazoezi ya wanamuziki wakongwe leo yalisimama kwa muda baada kundi la wakongwe watangazaji na mafundi mitambo wa RTD kuwasili katika kambi hiyo. Wakiongozwa na John Ndumbalo (Fundi Mitambo), walikuweko James Muhilu, Fundi mitambo ambaye amerekodi mamia ya nyimbo zinazotamba mpaka leo katika anga za muziki wa radio na 'live'. Maulid Ngongolo (fundi mitambo), watangazaji waliokuwa na majina enzi hizo nao walikuweko, kama vileSuleiman Kumchaya, Mohamed Ngayonga, Hamis makumbi walikuja kuwatakia mkono wa heri wanamuziki hawa ilikuwa ni uwanja wa stori nyingi za vituko vya studio enzi hizo

John Ndumbalo fundi mitambo

John Ndumbalo na Maulid Ngongolo

James Mhilu na Suleiman Kumchaya

Maulid Ngongolo na Hamis Mkumbi

Star TV watemebelea mazoezi ya Wakongwe

2011-06-13T05:10:00.000-07:00

Waziri Ally na Sauda Mwilima

Mazoezi ni makali na wageni ni wengi pia. Leo kambi imetembelewa na crew nzima ya Star TV ilikuweza kurekodi kipindi cha Bongo Beats. Mambo yalikuwa safi kwa kuwezekana kwa interview binafsi za kila mwanamuziki na pia kundi zima kwa ujumla

Waziri akitoa funzo la namna ya kucheza salsa

Tanzania Yetu mazoezi ya version mpya pata vionjo

2011-06-07T11:24:00.000-07:00

Clouds TV watembelea kambi ya mazoezi ya wanamuziki wakongwe

2011-06-07T11:09:00.000-07:00

Kuandika maelezo

Kamera zikirekodi kazi

Kasongo na Kiki wakiimba wimbo wa Anjelu

mazoezi ni makali unakumbuka signal tunes hizi za RTD? zilikuwa zinaashiria nini?

2011-06-06T10:01:00.000-07:00

Watangazaji wakongwe nao waanza kukutana

2011-06-06T09:48:00.000-07:00

John Ndumbalo mwenye tshirt ya orange

Watangazaji wakongwe wakiwa na sound engineers wakongwe nao wameanza kukutanika wakiwa na kauli mbiu yao ikisema ' WE WILL NOT BE BURIED ALIVE', leo walikuja kushuhudia mazoezi ya wanamuziki wakongwe. Ilikuwa ni furaha maana wote walikuwa akifahamiana si muda mrefu mazungumzo yalirudi kwenye enzi zileeeeee. John Ndumbalo ambaye alirekodi mamia ya nyimbo ambazo ni maarufu mpaka leo kwanza akiwa Radio Tanzania Dar es salaam na kisha Tanzania Film Company alikuweko.

Bendi ya akina mama- Women Jazz

2011-05-27T22:33:00.000-07:00

Ni mara chache kukuta bendi ya akina mama watupu, katika kumbukumbu zangu hii imetokea mara 4 hapa Tanzania. Mara ya kwanza ni bendi hiyo hapa pichani iliyochukua umaarufu sana wakati wake. Niko mbioni kukutanishwa na mmoja wa washiriki wa bendi hiyo ambaye naambiwa anaishi maeneo ya Mchikichini pale Ilala najua tutapata mengi toka kwake. Katika miaka ya 80, Baraza la Sanaa la Taifa lilihamasisha akina mama wanamuziki kuanzisha chama chao ambapo mwenyekiti wao alikuwa Marehemu Asia Darwesh, Chama hicho kiliitwa TAWOMA, Tanzania Women Musicians Association kilitengeza pia bendi ya akina mama ambayo haikudumu sana. Rulu Arts pia ilifanya jaribio kama hilo la kukutanisha akina mama ambapo waliweza kufanya show moja Russian Culture miaka hiyo ya 80. Katika kipindi cha karibuni, mdau mmoja tena aliweza kuanzisha bendi ya akina mama ambapo alifuata mambinti kutoka Congo, wakashirikiana na waakina dada wachache kutoka Tanzania, kundi hilo nalo halikudumu mda mrefu likafa. Women Jazz ilikuweko hewani katika miaka ya sitini, ilipokufa ndipo vyombo vyake vilitumika katika kuanzisha Vijana Jazz. Kuna wimbo mmoja ambao hupigwa kila Xmass, ukiimba ihappy Krismass iyooo iyoo na kisha kuanza kutaja herufi za alfabeti ndio mmoja ya nyimbo za bendi hii

Wakongwe wakifurahi mazoezini

2011-05-25T08:51:00.001-07:00

wanamuziki wakongwe waendelea na mazoezi

2011-05-25T08:45:00.000-07:00

Mazoezi makali yanaendelea kwa kutengeza kibao kipya kinachozungumzia miaka 50 ya Uhuru.

Waziri Ally na Kanku Kelly

Ally Adinani kwenye rythm

Hamza Kalala na King Kiki

Ally Adinani na Juma Ubao aka King Makussa

Abdul Salvador Kanku kelly

Mafumu Bilali na King Dodo aliyetembelea mazoezi

Waziri Ally Kissinger

Bob Rudala aliwatembelea wazee aona kama wanahitaji mtu wa kutumwa soda

Tanganyika Broadcasting Corporation enzi hizooooooo

2011-05-10T13:04:00.000-07:00

Mtangazaji mbele ya mashine ya kupigia santuri katika studio za TBC.

Sauti ya Dar es Salaam

2011-05-05T00:40:00.000-07:00

Julai Mosi 1951, radio ya kwanza Tanganyika ilizinduliwa, iliitwa SAUTI YA DAR ES SALAAM, radio hii ilikuwa ikirusha matangazo ya Kiswahili kwa masaa mawili tu kila wiki. Ikiwa na wasikilizaji elfu moja tu. Pichani ni wanamuziki wakirekodi katika studio za redio hiyo.

ALLY MAKUNGURU

2011-05-04T14:08:00.000-07:00

Nimesikiliza sana leo wimbo Mjomba wa Orchestra Safari Sound -Ndekule. Gitaa la rhythm katika wimbo huo lilipigwa na Ally makunguru, nikamkumbuka sana marehemu rafiki yangu huyu.Tulikutana na Ally makunguru kwa mara ya kwanza 1975. Wakati huo nikiwa mwalimu lakini nikiwa Iringa na kibendi chetu kidogo kilichojulikana kwa jina la Chikwalachikwala, huyu bwana alikuja kwangu na kunambia anataka kujiunga na bendi yetu. Nilipomuuliza kama amewahi kupigia bendi nyingine akanambia ametoka Masasi ambako alikuwa anapigia Kochoko Jazz band, sijaweza kumkuta mtu aliyewahi kuisikia bendi hiyo mpaka leo.

Makunguru alilipenda sana gitaa, nilikuwa nikimuacha nyumbani asubuhi akifanya mazoezi ya gitaa ninapokwenda darasani, na kumkuta anaendelea na mazoezi ninaporudi kutoka kazini. Alikuwa hali mchana anafanya mazoezi tu. Na akawa mpigaji wetu muhimu katika rhythm maana aliweza kupiga rhythm zilizokuwa zinatamba wakati huo, kama ya wimbo, Cheza kimbunga ya JKT, Tambola na mokili wa Johnny Bokelo na nyimbo kadhaa za Lipua lipua na Orchestra Kiam. Siku bendi ya JKY Kimbunga ilipokuja Iringa tukaona fahari kumtambulisha mpigaji anaeweza kupiga nyimbo zao, hilo lilikuwa kosa, maana JKT waliondoka nae mara moja na kwenda nae Dar es Salaam na kuanza kuishi maisha ya muziki ya Dar. Alofanya kazi nzuri sana na hivyo kuweza kuwa na uwezo wa kuhama bendi atakapo. Makunguru aliweza kupigia Tanzania Stars, Mlimani Park, OSS Ndekule, MK Group na hatimae kuhamia Kenya ambako alishiriki kupiga wimbo ule maarufu Nchi ya kitu kidogo, na huonekana katika video clip ya wimbo huo

Mtunzi Hamiie Rajab afariki dunia

2011-04-20T22:05:00.000-07:00

Mtunzi wa vitabu wa siku nyingi ambaye miaka ya karibuni amekuwa akishughulika na uongozaji wa filamu Hammie Rajabu amefariki leo. Taarifa za awali zinasema atazikwa Morogoro. Mungu amlaze pema peponi.

Mahojiano Ya Dekula Vumbi 1995

2011-04-20T10:32:00.000-07:00

Mwezi Januari 1995, Dekula Vumbi alihojiwa na mwandishi Vedasto Msungu. Angalia makala hii nauone jinsi Vumbi alivyokuwa anaona mbali

Embalasasa

2011-04-15T02:45:00.000-07:00

Unakumbuka mtindo wa King Kiki wa Embalasasa Stop shika Brek?Mwangalie hapa akicheza mtindo huo uliokuwa raha kuangalia enzi za Double O

NUTA JAZZ BAND bendi ya Chama cha wafanyakazi

2011-04-15T02:39:00.000-07:00

	NUTA Jazz Band, bendi ya Chama cha Wafanyakazi Tanzaniailianzishwa mwaka 1964. Msondo Ngoma Group ambayo leo hii hujulikana kama Msondo ni matokeo ya Bendi hii. Habari zake zaidi zinakuja. Pichani ni NUTA Jazz Band ikiwa jukwaani baadhi ya sura maarufu ni Abel Barthazar(RIP), watatu toka kushoto na gitaa, waimbaji ni Ally Akida,Muhidin Gurumo na John Simon

NGOMA ZA MAGOROFANI

2011-04-08T04:26:00.000-07:00

Asia Darwesh _Super Mama (RIP) Mpiga kinanda mahiri sana wakati huo aliwa pia kupigia Bicco Stars, na baadae kuunda bendi yake mwenyewe. Pembeni Drummer Johnny Rocks

Ukumbini Bandari Grill

MK GROUP, BENDI ILIYOKUJA JULIKANA KAMA NGOMA ZA MAGOROFANI KUTOKANA NA UKUMBI WAO KUWA KATIKA GHOROFA YA KWANZA YA NEW AFRICA HOTEL, UKUMBI ULIOJULIKANA KAMA BANDARI GRILL, WAKATI HUO UKICHUANA NA UKUMBI WA SIMBA GRILL ULIOKUWEKO KILIMANJARO HOTEL.

Matayarisho ya onyesho la Sabasaba la wanamuziki wakongwe laanza

2011-04-04T22:35:00.000-07:00

Vikao vya matayarisho ya onyesho la mwaka huu la wanamuziki wakongwe vimeanza. Onyesho la mwaka huu ambalo limeonyesha litaweza kupata support zaidi kuliko mwaka jana na hivyo kuwa bora zaidi. Pamoja na onyesho 'live' pia kuna mazoezi makali ya kuweza kutoa album ya nyimbo za zamani zilizopendwa sana kati ya kipindi cha mwaka 1961-1991. Na kwa mwaka huu ni wa 50 kutoka kupata Uhuru 9, Desemba 1961, album hiyo itakuwa ya kwanza katika mlolongo wa album zitakazobeba wazo la miaka 50 ya muziki wa Tanzania.

Mbele King Kiki, nyuma yake Mzee Sangura mpiga bass wa zamani wa Cuban Marimba

Juma Ubao (King Makusa) na Adinani, mpiga magitaa yote aliyoko Shikamoo Jazz Band

Waziri Ally(Kissinger) wa Kilimanjaro Band

Juma Omary(Disco) , mpiga drums wa Kilimanjaro Band

Mohamed Mrisho (Moddy), mpiga gitaa Kilimanjaro Band

Mafumu Bilali Bombenga, Saxophone African Beat Band

Kanku Kelly Trumpetist Kilimanjaro Connection Band

Yussuph Bernard Saxophonist Mlimani Park Orchestra

Mabrouk Omary (Babu Njenje), Muimbaji Kilimanjaro Band

Mzee Muhidin Maalim Gurumo Mzee gurumo anaumwa sana, tumuombee

2011-03-30T11:21:00.000-07:00

Mzee Gurumo amelazwa Muhimbili hali yake si nzuri

NUTA JAZZ BAND

2011-03-29T04:14:00.000-07:00

Toka kushoto-Zuberi Makata, Mnenge Ramadhani, Joseph Lusungu, Juma Akida, Muhidim Mwalim, Ahmed Omari, H.R. Sama,Mohamed Omary, Mabruk Khalfani, nyuma kabisa Wilfred Bonifas

Bendi ya NUTA ilianza mwaka 1964, ikaanza na mtindo wa Msondo. Bendi hii ya chama cha wafanyakazi ndipo ilipoanza, ikapitia majina kadhaa, JUWATA, OTTU, na mpaka sasa Msondo Group. Msondo ni mtindo ambao umekuwa kwenye chati za juu kuanzia hapo hadi leo, staili hii ilitakiwa kuenziwa kwenye Hall of Fame. Mwangalie Mzee Muhidin hapo akiwa kijana mdogo kabisa.

The Sparks

2011-03-29T04:01:00.000-07:00

Toka kushoto Omary Mgogo, Mohamed Ibuni, Lameck

Hili lilikuwa kundi lililokuwa likipiga pale Gateways (Mnazi Mmoja). Kundi zima lilikuwa la wanamuziki wafuatao, kwenye solo gitaa alikuwa Mike Muhuto, rythm gitaa alikuweko Lamek na Jacob Ubwe, besi liliungurumishwa na Remmy(huyu alikuja hata kupigia Varda Arts lile kundi machachari la vijana wa Kihindi), drums George Muhuto, sax Mohamed Ibuni, wakati squad ya waimbaji ilikuwa Omari Mgogo, Stella Amry, Steven Jojo na Huluka Said(wakati huo akijulikana kama Little James Brown), kundi hili baadae likaja kuwa The Comets.

Wakongwe katika muziki wa dansi

2011-03-29T01:42:00.000-07:00

Wakongwe wa muziki wa dansi katika picha moja ya kumbukumbu, kutoka kushoto waliosimama ni Capt Mstaafu John Simon, huyu ni mwimbaji ambaye alikuweko katika miaka ya kwanza ya NUTA, yeye pamoja na wenziwe wakatumwa na marehemu Mzee rashid Kawawa kwenda kuanzisha bendi ya JKT pale Mgulani, na akiwa kama kiongozi JKT ilikuja juu na kujulikana kama JKT Kimbunga kutokana na staili yao ya Kimbunga, kati ya tungo zake maarufu ni wimbo Sakina. Anaefuata ni Mzee Shem Karenga, mpiga solo na kiongozi wa Tabora Jazz, ndiye aliyepiga solo nyimbo kama Asha, Alhamdulilah, Lemmy, Chakula kwa jirani, na nyimbo nyingine nyingi zilizotikisa Afrika ya Mashariki na Kati, anaefuata si mwingine ila ni yule mwimbaji maarufu, Mjomba, Mzee Muhidin Gurumo, alisikika enzi za NUTA, JUWATA, OTTU, Mlimani Park, OSS Ndekule, na sasa Msondo Group nani asiyemjua? anaefuata alikuwa mtunzi na mwimbaji maarufu wa Cuban Marimba Marehemu Juma Kilaza, alikuwa bingwa wa kwanza wa kurap katika nyimbo, enzi hizo muziki wake ukikolea utasikia, 'Pwaga pwaga pwaga weka ngoma chini', na staili zake Ambianse, Subisubi alileta upinzani mkubwa kwa bendi nyingine kali kutoka Morogoro wakati huo, Morogoro Jazz chini ya mkongwe mwingine Mbaraka Mwinshehe. Anafuata Ally Rashid-Mwana Zanzibar, huyu ni mpuliza saxophone maarufu aliyetokea Zanzibar miaka nenda rudi na kupitia bendi kama Urafiki , Bima, Shikamoo, na hatimae Msondo ngoma, kutokana na afya yake amekuwa adimu katika maonyesho ya bendi hiyo. Mzee Kassim Mapili, Sergeant wa polisi mstaafu, mpiga gitaa wa miaka nenda rudi ambae katika enzi zake bendi ya polisi ilikuwa juu sana na staili yao ya Vangavanga, amewahi kwa muda mrefu sana kuwa mwenyekiti wa Chama cha Muziki wa Dansi Tanzania(CHAMUDATA). Anaefuata ni Mzee Salum Zahoro, kiongozi wa bendi ya Kiko Kids toka Tabora, bendi ambayo wakati nyingine ziliingia mtindo wa kupiga gitaa la solo, bendi hii iliendelea kutumia Mandolin, nyimbo kama Sili sishibi silali, ni moja ambayo mandolin ndio imeshika nafasi ya gitaa la solo, pia Mzee huyu ni mwimbaji mahiri, kama anavyosikika katika nyimbo hizo na hata katika nyimbo kama mwamtetea nini, kwa sasa ni kiongozi wa Shikamoo jazz na bado sauti yake iko palepale licha ya kuwa na umri wa zaidi ya miaka sabini. Alikuwa rafiki mpenzi wa marehemu Salum Abdallah wa Cuban Marimba. Waliochuchumaa mpiga solo gitaa maarufu Nguza Viking aliyeingia nchini na bendi ya Marquis du Zaire, na mwishoni kuwa na bendi yake Achigo Sound, ambapo alipigia mpaka alipokutwa na hatia ya kubaka watoto wadogo anatumikia kifungo cha maisha. Mzee Majengo, mpiga saxophone mwingine wa miaka mingi aliyewahi kupigia bendi kama Maquis enzi za umaarufu wake, kwa sasa yuko na Shikamoo Jazz. Na mwisho ni Mzee John Kijiko, mpiga gitaa aliyewika sana katika bendi ya Atomic wakati huo wakipiga vibao kama Mado, Masikini Suzy, kwa mtindo wa Kiweke na kuleta upinzani mkubwa kwa bendi nyingine ya Tanga, Jamhuri Jazz. Mzee John Kijiko(RIP), pia alipitia bendi ya UDA na hata Magereza Jazz Band wana Super Mnyanyuo

Mzee Saidi Mabela anyakua tuzo ya Hall of Fame

2011-03-27T05:54:00.000-07:00

Mzee Said Mabela, mpiga solo mahiri wa Msondo Ngoma, amepewa tuzo la Hall of Fame, heshima binafsi kwa kudumu bila kuhama katika bendi ya Msondo tangu alipojiunga na bendi hiyo 1973. Tuzo hiyo aliipata katika usiku wa Kilimanjaro music Awards uliofanyika katika ukumbi wa Diamond Jubilee Jumamosi March 26, 2011 (picha kwa hisani ya www.michuzijr.blogspot.com)

Mazishi ya Motoo

2011-03-24T00:04:00.000-07:00

Mwanamuziki mpiga tumba mashuhuri wa siku nyingi Gulukulu Abandoki maarufu kama Motoo anazikwa leo tarehe 24 March 2011, katika makaburi ya Mwananyamala kwa Kopa saa kumi jioni, maiti itaagwa mortuary ya Mwananyamala hospital kuanzia saa 8 mchana

Mwaka wa misiba kwa wanamuziki Tanzania 2

2011-03-22T05:21:00.000-07:00

Mwanamuziki wa siku nyingi, ambaye amewahi kupigia bendi kama Maquiz, OSS, Diamond Sound, na kwa sasa alikuwa Wazee Sugu akishiriki kama mpiga tumba Gulukulu Abandoki Tomaa amefariki leo saa sita na nusu mchana (22/3/2011), katika hospitali ya Mwananyamala. Mtoto wa mwanamuziki huyu, Alphonse aliwahi kupigia drums bendi ya Akudo. Taarifa za mazishi zitafuata. Mwanamuziki huyu aliwahi kupata sifa ya pekee pale ambapo alichaguliwa na Tabu Ley alipokuja Tanzania na kuweza kufanya nae maonyesha katika miji mbalimbali Tanzania kama mpiga tumba wa Afrisa International. Motoo alimwomba Tabu Ley ampe lifti katika ndege yake wakati wa kurudi Kinshasa. Alipofika huko inasemekana alishindwa kupata wenyeji na hasa pale Tabu Ley alipomuacha bila kumchukua katika bendi yake. Kwa njia moja au nyingine Motoo alirudi tena Tanzania ambako ameishi mpaka mauti yamemkuta

Mwaka wa misiba kwa wanamuziki Tanzania

2011-03-22T05:02:00.000-07:00

Bi Mwanahawa baada ya ajali

Wanamuziki 13 wa kikundi cha Five Star Modern Taarab wamepoteza maisha katika ajali ya gari ambapo basi lao dogo liligonga gari lililokuwa limepark kando ya barabara. Ajali hiyo mbaya ya wanamuziki wengi kufa kwa pamoja inaweza ikafananishwa na ile ajali ya miaka ya 70 ambapo bendi nzima ya Njohole Jazz nayo iliangamia katika ajali ya gari. Wanamuziki walikwisha tambuliwa mpaka sasa ni Issa Kijoti, Nasoro Madenge, Fembe Juma, Omary Hashim, Omary Tall, Tizo, Mapande, Ngereza Hassan, Hamisa Omari, Maimuna, Haji Msaniwa. Muimbaji maarufu bi Mwanahawa Ally ni mmoja wa wanamuziki walionusurika katika ajali hiyo.

Msondo Vs Sikinde katika video

2011-03-18T23:37:00.000-07:00

Hivi ndivyo mambo yalivyokuwa katika shughuli hiyo

Msondo Ngoma..Fatuma

Sikinde..Hiba

Msondo Vs Sikinde katika picha

2011-03-18T23:30:00.000-07:00

Usiku wa Ijumaa tarehe 18, March 2011, katika ukumbi wa Diamond Jubilee Dar es Salaam mambo yalikuwa raha sana. Bendi mbili kongwe zilipiga pamoja. Wengine waliuita mpambano, hata mwanamuziki mmoja alitangaza neno ambalo lilionyesha hali hiyo ya mpambano. Mimi niliona ni onyesho la Bendi mbili ambazo nimekuwa nikizipenda maisha yangu yote hivyo nilikuwa napata raha kamili. Kila bendi ilipanda jukwaani na kupiga nyimbo tatu tatu, chini ni picha na video za baadhi ya matukio

Shaaban Lendy na Yusufu Bernard

Mpenzi na mchambuzi wa muziki wa siku nyingi Zomboko

Waimbaji wa Sikinde

Mzee Muhidini Gurumo akimtambulisha Shaaban Dede

Magitaa Msondo yakiongozwa na Said Mabela katikati

Dede kwenye Mic, Mabela kwenye solo na Huruka Uvuruge kwenye rythm gitaa

Waimbaji Msondo

Msondo vocalists

Furaha bila karaha

Trumpets Hamis Mnyupe na Roma Mng'ande

Hussein Jumbe akiimba nachechemea


Sikinde

Wakongwe wetu

2011-03-18T02:54:00.000-07:00

Mafumu Bilali Bombenga na Yusufu Bernard wapiga Sax mahiri wenye uzoefu wa miaka zaidi ya 30

Shaaban Dede na King Kiki waimbaji na watunzi ambao wamekwisha tunga nyimbo nyingi maarufu.

Mzee Muhidin Gurumo na Mzee Said Mabela wakongwe wa msondo wamedumu katika sura ya muziki wa Tanzania toka miaka ya sitini bila kupotea

Hamza kalala mpiga solo na mtunzi aliyewahi kupitia bendi maaarufu kama UDA, Matimila, Vijana Jazz, Washirika Stars Bantu Group, pia ana wanae ambao nao wameanza kutoa mchango mkubwa katika muziki wa Tanzania

Mabrouk Khamis maarufu kama Babu Njenje, mwimbaji na mpiga drum wa Kilimanjaro Band, amekuweko katika anga la muziki toka mwishoni mwa miaka ya sitini. Bado sauti yake inaleta mchango mkubwa katika muziki wa Tanzania

King Kiki, Shaaban Dede, Bitchuka, Kabeya Badu majina ya waimbaji amabyo yamekuweko hewani zaidi ya miaka 30

Waziri Ally(Kisinger) na Abdul Salvador wapiga vinanda mahiri ambao wameweza kuweko katika fani kwa zaidi ya miaka 30, Abdul Salvador alianza kama mpiga gitaa akipigia bendi kama Biashara Jazz, na Bima Lee

Shaaban Dede ajiunga na Msondo kwa mara ya tatu

2011-03-15T15:14:00.000-07:00

Shaaban Dede akipata chakula, wa pili Ally Jamwaka Mpiga Conga wa Mlimani Park na Shaaban Lendy Mpuliza Saxaphone maarufu

Shaaban Dede aliingia katika anga ya muziki wa Dar es Salaam kwa kupitia Msondo Ngoma , baada ya hapo alikwenda Bima Lee, akapitia Mlimani Park, akarudi Msondo, akaenda Mlimani tena karudi Msondo tena, Je, safari imekwisha? ngoja tutamsikiliza Dede mwenyewe kupitia blog hii hii.

Super Kamanyola ya Mwanza

2011-02-19T12:07:00.000-08:00

Seseme ambaye ndiye mpiga Solo hapa akiwa amnapiga Bass

Benn Villa Anthony

Mukumbule Parash

Akiwa na Sax ni Roy Mukuna na kundi zima la Super Kamanyola

Beno na Parash

Anna Mwaole

Bonny Chande

John Hamisi

Roy Mukuna Kiongozi wa Bendi

Mwaka 2006,wanamauziki kadhaa wa zamani walijikusanya na kuanzisha bendi ambayo ilijulikana kama Tanza Muzika, bendi hii ilikuwa na wanamuziki kama akina Kasongo Mpinda Clayton, Issa Nundu, Mukumbule Parashi na wengine wengi wazuri. Pamoja na kuwa bendi nzuri walikosa vyombo na hivyo kuwa chini ya himaya ya jamaa walioweza kuwa na vyombo, ambao nao mwaka 2007 wakajitoa na hivyo kundi hilo kuvunjika. Wanamuziki wachache wakahamia Mwanza na kuungana na kundi la Mwanza Carnival, hao walikuwa Roy Mukuna, Seseme Omary,Mukumbula Parashi,Issa Nundu, Bonny Chande . Miezi michache baada ya kuanza kwa kundi hili mfadhili wa kikundi akaanza kuugua na hivyo kundi hilo kusambaratika tena.. Wanamuziki wakaamua kurudi Dar Es Salaam na huko Ally Yahaya, ambaye ni mpiga trumpet nae akajiunga nao na wakajipa jina jipya Super Kamanyola. Na ni wakati huu wakaalikwa kwenye bonanza la Villa Park Mwanza, si muda mrefu baada ya hapo uongozi wa Mwanza Villa Park ukaingia katika makubaliano ya kuifanya Super Kamanyola kuwa resident Band. May 2010 bendi ikahamia rasmi Mwanza. Kundi hili lina wanamuziki wafuatao.Roy Mukuna, Saxophonist na Kiongozi wa Bendi, Ally Yahaya Trumpetist Katibu wa bendi, Seseme Omary Solo guitar na uimbaji, Beno Villa Anthony mwimbaji na mpiga Keyboards, na pia mshauri wa bendi, Mukumbule Parashi muimbaji, Rashid Mwezigo mwimbaji, Anna Mwaole muimbaji, Bonny Chande Bass guitar, John Hamisi rhythm guitar, na Duncan Matembe Drums. Kwa kweli ni burudani kuisikiliza bendi hii ambayo ikiwa inapiga nyimbo za zamani za Maquis, OSS, Tancut Almasi, TP OK Jazz, African Fiesta, utadhani unazisikia bendi zenyewe.

Safari Trippers walikuwepo na bado wapo

2011-01-05T08:06:00.000-08:00

Safari Trippers

Ni vigumu kupima raha ambayo Safari Trippers waliitoa na wanaendelea kuitoa katika ulimwengu wa muziki. Nyimbo zao bado zinapigwa na bendi chungu nzima mpaka leo hii. Unawajua walikuwa akina nani? Hiyo ni picha ya wanamuziki vijana hawa. Wadau tuanze kwa kuwataja wanamuziki hawa

Mwanamuziki Mustafa Ngosha azikwa Mzee muhidin Gurumo ahudhuria mazishi

2011-01-03T05:12:00.000-08:00

Juma Choka mpiga drum wa Sikinde alieongoza kwa utani wa jadi katika msiba na kudai chakula atakachopewa lazima kiwe na nyama, maana Wasukuma hufuga sana ng'ombe au la hata kula

Dua zikiendelea nyumbani kwenye msiba wa marehemu

Cosmas Chidumule ambaye ndiye aliyemleta Dar marehemu kwa kumchukua Mzinga Troupe ya Morogoro na kumuingiza Sikinde

Ally Jamwaka, na wa kati ni Malik Star ambaye wakiwa na marehemu walizunguka nchi nyingi kama wanamuziki wa Kanda Bongoman

Mchango wa papo kwa papo wa wanamuziki

Dede na Mafumu wakihamasisha mchango

Mwenye kofia ni Banza Stone akitoa mchango wake

Kikao cha dharura cha wanamuziki

John Ngosha mtoto wa marehemu nae ni mwanamuziki wa kundi la Rufita Connection

Mzee Muhidini

Group photo ya wanamuziki wakongwe

King Kiki na Mzee Muhidin

Msafara kuelekea Makaburini

Barabara zilifungwa kwa muda

Mzee Said Mabela mpiga solo wa Msondo

Abdallah Mgonahazelu mwimbaji Vijana Jazz

Choky na Babu yake

Huluka Uvuruge mpiga gitaa Msondo

Wanamuziki wengi wakiongozwa na Mzee Muhidin Gurumo wameshiriki katika mazishi ya mwanamuziki mwenzao aliyefariki jana baada ya kuugua. Mamia ya ndugu majirani na wapenzi wa muziki walishiriki katika mazishi hayo ambayo maandamano yake yaliweza kufunga barabara kwa muda, kuonyesha kupendwa kwa Ngosha na muziki wake kwa ujumla. Ngosha amelazwa katika makaburi ya Magomeni Ndugumbi

Mazishi ya Ngosha

2011-01-02T21:03:00.000-08:00

Marehemu Mustafa Ngosha

Ratiba ya mazishi ya Ngosha imefanyiwa marekibisho kidogo. Msiba utakuwa Magomeni Popobawa, na mazishi yatakuwa saa 7 mchana leo tarehe 03/01/2011

Mustafa Ngosha kuzikwa kesho Jumatatu

2011-01-02T08:51:00.000-08:00

Mwanamuziki mpiga Bass wa DDC Mlimani Park Orchestra, ambaye alijulikana kwa jina maarufu la Ngosha atazikwa kesho saa 10 Magomeni. Ngosha alijiunga na DDC Mlimani Park miaka ya mwanzoni ya 90, akiwa anajulikana kama Charles John Ngosha, baadae alibadili dini na Kuslim na kupewa jina la Mustafa. Mwili wa marehemu umehifadhiwa Amana Hospital Ilala, na msiba utakuwa Magomeni katika maeneo ya kituo cha Bi Nyau, karibu na ukumbi wa DDC Magomeni. Kwa vile vikao vya kifamilia vinaendelea habari zaidi zitafuata

Msiba mwingine Mpiga Bass wa Sikinde Ngosha hatunae tena kafariki mchana huu

2011-01-02T05:00:00.000-08:00

Marehemu John CharlesNgosha ni wa pili toka kulia katika waliochuchumaa, wa tatu ni Marehemu Abou Semhando, picha ilipigwa mwishoni mwa mwezi wa sita wanamuziki wakongwe walipokutana na kula chakula cha mchana pamoja.

Marehemu John Ngosha

Msiba mwingine katika kundi la wanamuziki wa zamani. Mpiga Bez mashughuli John Ngosha wa DDC Mlimani Park,Sikinde hatunae tena Mungu amempenda zaidi. Taarifa zaidi zinafuata.

Boby Farrell wa Boney M afariki dunia

2010-12-30T13:23:00.000-08:00

Bobby Farrell, mwimbaji wa kiume katika kundi la Boney M, amefariki dunia akiwa katika ziara nchini Urusi. Bobby akiwa na umri wa miaka 61 alikutwa amefariki katika chumba chake hotelini huko St. Petersburg. Bobby aliyefanya onyesho lake Jumatano usiku alienda kulala akilalamika kuwa anajisikia kushindwa kupumua. Asubuhi yake Alhamisi hakuweza kuamka licha ya kujaribu kuamshwa na wafanyakazi wa hoteli hiyo, ndipo mlango wake ulipofunguliwa alikutwa ameshafariki.Kundi la Boney M lilivunjika rasmi 1986.

Urafiki Jazz Band wana Chakachua 2

2010-12-22T06:37:00.000-08:00

Urafiki Jazz Band

Bendi ya Urafiki ikiwa katika hali yake ya uchanga mwaka 1970 ilipata ajali ya gari, wakati kundi zima likitoka katika onyesho huko Chang’ombe, gari lao aina ya Volkswagon Kombi liligonga mti maeneo kona ya Kigogo na Msimbazi Mission.

Baadhi ya wanamuziki waliumia sana na gari lao, likawa halifai kabisa.
Wapigaji walioumia walikuwa ni Hamisi Mashala – Drummer Boy - alivunjika mguu, Mohamed Bakari Churchil aliumia kichwani na kushonwa nyuzi kadhaa, na pia Ayoub Iddi Dhahabu na Maarifa Ramadhani walipata maumivu makali kwa ndani mwilini.

Bendi ilisimamisha maonyesho yake kwa muda hadi wanamuziki wake walipopata nafuu na kuanza maonyesho tena. Hali ya ajali ile ilileta fikra mbaya kwa wanamuziki hao na wapenzi wao na ilionekana kana kwamba kulikuwa na mkono wa mtu katika ajali ile. Juma Mrisho ‘Ngulimba’ alitunga wimbo ‘Nimekosa Nini Jama’, wimbo ulioelezea kadhia hiyo. Katika kipindi hiki dhana ya ushirikina ilitawala sana katika bendi mbalimbali. Vifo vya wanamuziki mara nyingi vilihusishwa na upinzani katika bendi.

Kufikia miaka ya ‘80’ kati bendi ya Urafiki ikawa inasua sua kutokana na uchakavu wa vyombo na Menejimenti iliyokuwepo wakati huo haikuwa tayari kutoa pesa kununulia vyombo vipya. Bendi ya Urafiki ilifikia tamati katika miaka ya ‘80’ kati kati na bendi hiyo ikatoweka katika anga za muziki na kubaki historia.

Msiba wa Abou unaumiza sana

2010-12-18T04:43:00.000-08:00

1. Leo ni siku aliyokuwa amuoze binti yake wa kwanza
2. Alikuwa ameuandikia uongozi wa Bendi kuwa umpe likizo ya mwezi kwani alitaka asiweko katika jukwaa kwa kipindi. Ni mara ya kwanza yeye kuandika barua ya kuomba likizo
3. Katika simu yake ringtone aliyoiweka ni ya wimbo wa Njohole Jazz Band- bendi hii wanamuziki wake karibu wote walikufa pamoja katika ajali mbaya ya gari.

Waliosimama..Remmy Ongala, Abuu Semhando,Kasaloo Kyanga, Fan Fan

3. Alikuwa mpiga drum wa Remmy Ongala enzi za Super Matimila na mtindo wao wa Talakaka. 1981

Ratiba ya mazishi ya mwanamuziki na meneja wa African Stars Band Abou Semhando

2010-12-18T04:22:00.000-08:00

Abou Semhando wa kwanza kulia akiwa na miwani kwenye shughuli ya kuaga mwili wa marehemu Remmy Ongala. Abuu alikuwa mmoja kati ya waendesha pikipiki waliokuwa wakiongoza msafara wa mazishi ya marehemu Remmy Ongala.

Ratiba ya Mazishi ya mwanamuziki na na meneja wa Bendi ya African Stars-Twanga Pepeta Marehemu Abou Ally Semhando “BABA DIANA”

· Jumamosi 18/12-ndugu na jamaa kukusanyika nyumbani kwa marehemu, Mwananyamala Kisiwani(Ngilangwa) kwa ajili ya kutoa pole na kuwafariji wafiwa.

· Jumapili 19/12-Saa11 Swala ya alfajiri katika msikiti wa Muhimbili, baada ya swala waombolezaji kuingia katika magari na kuelekea kijiji cha Kibanda, Muheza tayari kwa mazishi.

· Mara baada ya chakula cha mchana mwili kupelekwa msikiti wa Muheza nabaada ya swala mwili kupelekwa makaburini kwa maziko.

· Waombolezaji watarejea Dar es Salaam baada ya maziko.

Msiba mwingine katika jamii ya wanamuziki wakongwe

2010-12-17T18:32:00.000-08:00

Abou Semhando Mungu akulaze pema peponi.

Katika hali ya kusikitisha nalazimika kutaarifu kuwa mwanamuziki mwingine wa zamani, Abou Semhando ambaye ni mpiga drums wa miaka mingi amefariki dunia mida ya saa tisa usiku, alfajiri ya Jumamosi 18 December 2010, katika ajali ya pikipiki yake kugongwa na gari. Abou ambaye kati bendi alizopigia ni pamoja na Sola TV, Vijana Jazz na Super Matimila.
Katika ajali hiyo gari aina ya benzi imegonga nyuma pikipiki yake wakati akitoka kupiga mziki maeneo ya Africana. Alipiga drums nyimbo ya pili toka mwisho na kuelekea nyumbani ambapo ndipo alipokutana na ajali hiyo. Jambo la kusikisha pia ni kuwa Abou alikuwa moja ya waliokuwa wakitangulia mbele ya msafara wa mazishi ya Remmy Ongala na pikipiki yake.

Gari lililohusika katika ajali

Pikipiki ya Abou

Gari lililohusika katika ajali hiyo

Dr Remmy laid to rest

2010-12-16T08:26:00.000-08:00

Dr Remmy Ongala has finaly been laid to rest this afternoon at Sinza Graveyard a walking distance from where he once lived. In an emotional ceremony hundreds of people braved a very hot day to stand for hours just to say goodbye to their music hero. The Minister of Information, Youth, Culture and Sports led thousands of mourners in the ceremony.